ନୂଆଦିଲ୍ଲୀ() ପ୍ରେମ ମାନେନା ସୀମା ସରହଦ । ନିଜର ମନ ପସନ୍ଦର ସାଥୀ ପାଇଁ ସବୁ କିଛି କରିବାକୁ ପ୍ରସ୍ତୁତ । ଏହିପରି ଏକ ମାମଲା ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ଦେଖିବାକୁ ମିଳିଛି । ଏଠାରେ ଭାରତରେ ରହୁଥିବା ଜଣେ ବ୍ରିଟେନ ମହିଳା ଅଧିକାରୀ ଜଣେ ଭାରତୀୟ ଯୁବକଙ୍କ ସହ ପ୍ରେମ ହୋଇଥିଲା। ଏବେ ଦୁଁହେ ବିବାହ କରିଛନ୍ତି । ବ୍ରିଟେନର ମହିଳା ଅଧିକାରୀ ନିଜ ବିବାହର ଫଟୋକୁ ସୋସିଆଲ ମିଡିଆରେ ସେୟାର କରିଛନ୍ତି।
ଦିଲ୍ଲୀରେ କାମ କରୁଥିବା ବ୍ରିଟେନର ଡେପୁଟୀ କମିଶନର ରିଆନନ ହାରିସ ଭାରତୀୟ ଯୁବକ ହିମାଂଶୁ ପାଣ୍ଡେଙ୍କୁ ବିବାହ କରିଛନ୍ତି। ହିମାଂଶୁ ଜଣେ ଫିଲ୍ମ ନିର୍ମାତା । ଅନେକ ଚ୍ୟାନେଲ ପାଇଁ ସେ ବୃତ୍ତଚିତ୍ର ନିର୍ମାଣ କରିସାରିଛନ୍ତି।
ଉଲ୍ଲେଖଯୋଗ୍ୟ ଯେ, କିଛି ବର୍ଷ ପୂର୍ବେ ବ୍ରିଟେନର ରିଆନନ ହାରିସ ଏବଂ ହିମାଂଶ ପରସ୍ପରକୁ ଭେଟିଥିଲେ। ସୋସିଆଲ ମିଡିଆରେ ବିଦେଶୀ ବୋହୂ ଏବଂ ଦେଶୀ ବରଙ୍କୁ ନେଇ ଚର୍ଚ୍ଚା ହୋଇଛି।
When I arrived in #India nearly 4 years ago, I had many hopes & dreams for my time here. But never did I imagine I would be meeting & marrying the love of my life. ❤️ I found such happiness in #IncredibleIndia & so glad it will always be a home. 🇮🇳 #shaadi #livingbridge #pariwar pic.twitter.com/mfECCj3rWi
— Rhiannon Harries (@RhiannonUKGov) February 18, 2022
ରିଆନନ ହାରିସ ଟ୍ୱିଟ କରି କହିଛନ୍ତି, ‘୪ ବର୍ଷ ପୂର୍ବର ଅନେକ ଆଶା ଏବଂ ସ୍ୱପ୍ନ ସହ ଭାରତ ଆସିଥିଲେ। କିନ୍ତୁ ଏଠାରେ ଜୀବନସାରର ଭଲପାଇବା ମିଳିବ ଏବଂ ବିବାହ କରିବି ତାହା ଭାବି ନଥିଲି । ଏହାସହ ସେ ଲେଖିଛନ୍ତି, ଅତୁଲ୍ୟ ଭାରତରେ ସବୁ ଖୁସି ମିଳିଛି’।
