ଭୁବନେଶ୍ୱର: ଅକ୍ଷୟ କୁମାରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ରାମ ସେତୁ ପ୍ରେକ୍ଷାଳୟରେ ପ୍ରବେଶ କରିସାରିଛି। ଲୋକମାନେ ଏହି ଚଳଚ୍ଚିତ୍ରକୁ ଉତ୍ସାହର ସହିତ ଅପେକ୍ଷା କରିଥିଲେ। ଦୀପାବଳି ଅବସରରେ ମୁକ୍ତିଲାଭ କରିଥିବା ରାମ ସେତୁ ବକ୍ସ ଅଫିସ୍ ସଂଗ୍ରହ ଉପରେ ସମସ୍ତଙ୍କ ନଜର ରହିଛି।
ଖବର ଅନୁଯାୟୀ ଅକ୍ଷୟଙ୍କ ରାମ ସେତୁ ଉଦଘାଟନୀ ଦିବସରେ ବକ୍ସ ଅଫିସରେ ୧୫ କୋଟିରୁ ଅଧିକ ରୋଜଗାର କରିଛନ୍ତି। ଆଗାମୀ ଦିନରେ, ରାମ ସେତୁ ସଂଗ୍ରହରେ ବହୁତ ବୃଦ୍ଧି ହୋଇପାରେ । ଅନ୍ୟପକ୍ଷରେ ସୋସିଆଲ ମିଡିଆରେ ଫିଲ୍ମ ରାମ ସେତୁକୁ ବହୁତ ପ୍ରଶଂସା କରାଯାଉଛି। ପ୍ରଶଂସକମାନେ ଏହି ଚଳଚ୍ଚିତ୍ରକୁ ଅକ୍ଷୟଙ୍କ ସର୍ବୋତ୍ତମ ଚଳଚ୍ଚିତ୍ର ଭାବରେ ବିଚାର କରୁଛନ୍ତି।
ବକ୍ସ ଅଫିସରେ ଦିନିକିଆ ସଂଗ୍ରହ ପରିପ୍ରେକ୍ଷୀରେ ଅକ୍ଷୟ କୁମାରଙ୍କ ରାମ ସେତୁ ଚଳିତ ବର୍ଷ ମୁକ୍ତିଲାଭ କରିଥିବା ତାଙ୍କର ଦୁଇଟି ଚଳଚ୍ଚିତ୍ର ବଚ୍ଚନ ପାଣ୍ଡେ ଏବଂ ସମ୍ରାଟ ପୃଥ୍ୱୀରାଜକୁ ପଛରେ ପକେଇଦେଇଛି । ଯେଉଁଠାରେ ଗୋଟିଏ ପଟେ ବଚ୍ଚନ ପାଣ୍ଡେ ମୁକ୍ତିଲାଭ କରିବାର ପ୍ରଥମ ଦିନରେ ୧୩ କୋଟି ଓ ସମ୍ରାଟ ପୃଥ୍ୱୀରାଜ ୧୦ କୋଟିରୁ ଅଧିକ ବକ୍ସ ଅଫିସରେ କଲେକ୍ସନ୍ କରିଥିଲା। ଅନ୍ୟପକ୍ଷରେ, ରାମ ସେତୁ ୧୫ କୋଟି ଟଙ୍କା ହାସଲ କରିଛନ୍ତି। ତେବେ ବଚ୍ଚନ ପାଣ୍ଡେ ଏବଂ ସମ୍ରାଟ ପୃଥ୍ୱୀରାଜ ବକ୍ସ ଅଫିସରେ ଫ୍ଲପ୍ ହୋଇଥିବା ପ୍ରମାଣିତ ହୋଇଥିଲା। ଏପରି ପରିସ୍ଥିତିରେ, ରାମ ସେତୁ କ’ଣ କରୁଛି ତାହା ଦେଖିବାକୁ ପଡ଼ିବ ।
