ଭୁବନେଶ୍ୱର, ୦୮/୧୧/୨୦୨୨ – ଆଗାମୀ କିଛି ଦିନ ମଧ୍ୟରେ, ଫୋନ୍ ବ୍ୟବହାର କାରୀଙ୍କ ପାଇଁ ଚିନ୍ତା ବଢିପାରେ । ପୂର୍ବ ଅପେକ୍ଷା କୋଟି କୋଟି ମୋବାଇଲ୍ ବ୍ୟବହାରକାରୀଙ୍କୁ ଇଣ୍ଟରନେଟ୍ ବ୍ୟବହାର ପାଇଁ ଅଧିକ ଅର୍ଥ ଖର୍ଚ୍ଚ କରିବାକୁ ପଡିପାରେ । ବର୍ତ୍ତମାନ ଟେଲିକମ୍ କମ୍ପାନୀଗୁଡିକ ମୋବାଇଲ୍ ଶୁଳ୍କ ବୃଦ୍ଧି କରିବାକୁ ପ୍ରସ୍ତୁତି ଆରମ୍ଭ କରିଛନ୍ତି। ଗତ ବର୍ଷ ନଭେମ୍ବରରେ କମ୍ପାନୀଗୁଡିକ ଶୁଳ୍କ ବୃଦ୍ଧି କରିଥିଲେ। ଶୁଳ୍କ ଯୋଜନାର ମୂଲ୍ୟ ବୃଦ୍ଧି କେବଳ ପ୍ରି-ପେଡ୍ ମଧ୍ୟରେ ସୀମିତ ରହିବ ନାହିଁ, ପୋଷ୍ଟ ପେଡ୍ ଯୋଜନାର ମୂଲ୍ୟ ମଧ୍ୟ ବୃଦ୍ଧି କରାଯାଇପାରେ ।
ନଭେମ୍ବରରେ କମ୍ପାନୀଗୁଡିକ ୨୫ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରିଥିଲେ । ଏକ ରିପୋର୍ଟ ଅନୁଯାୟୀ, 5G ସେବା ଆରମ୍ଭ କରିବା ପାଇଁ ପାଣ୍ଠି ସଂଗ୍ରହ ପାଇଁ ଟେଲିକମ୍ କମ୍ପାନୀଗୁଡିକ ଶୁଳ୍କ ବୃଦ୍ଧି କରିପାରିବେ। ମୋବାଇଲ୍ ଶୁଳ୍କ ୧୫ ରୁ ୨୦ ପ୍ରତିଶତ ବୃଦ୍ଧି ହୋଇପାରେ ବୋଲି ବିଶ୍ୱାସ କରାଯାଏ। ବର୍ତ୍ତମାନ ଯଦି କମ୍ପାନୀଗୁଡିକ ଶୁଳ୍କ ବୃଦ୍ଧି କରନ୍ତି, ତେବେ ସାଧାରଣ ଗ୍ରାହକଙ୍କ ପକେଟରେ ବହୁତ ପ୍ରଭାବ ପଡ଼ିବ ।
