ଭୁବନେଶ୍ୱର: ଆଗାମୀ Real Driving Emissions ନିୟମକୁ ଧ୍ୟାନରେ ରଖି କାର ନିର୍ମାତାମାନେ ଭାରତରେ ଡିଜେଲ ଇଞ୍ଜିନ ମଡେଲ ବନ୍ଦ କରିବାକୁ ଚିନ୍ତା କରୁଛନ୍ତି। ଏହି କମ୍ପାନୀଗୁଡିକ ମଧ୍ୟରେ ଜାପାନର କାର ନିର୍ମାତା ହୋଣ୍ଡା ଅଛି, ଯାହା ଆସନ୍ତା ବର୍ଷ ଆରମ୍ଭରୁ ହୋଣ୍ଡା ସିଟି ଏବଂ ହୋଣ୍ଡା ଆମାଜେ ସେଡାନ୍ସର ଡିଜେଲ ଇଞ୍ଜିନ ବିକଳ୍ପକୁ ବନ୍ଦ କରିବାକୁ ଯୋଜନା କରୁଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ହୋଣ୍ଡା କାର୍ ଇଣ୍ଡିଆର ସିଇଓ କହିଛନ୍ତି ଯେ ଡିଜେଲ ଇଞ୍ଜିନ୍ ଆଗାମୀ ଆରଡିଏ ମାନଦଣ୍ଡ ପୂରଣ କରିପାରିବ ନାହିଁ। ମିଡିଆ ରିପୋର୍ଟ ଅନୁଯାୟୀ, ହୋଣ୍ଡା ସିଟି, ଆମାଜେ ଏବଂ ଡବ୍ଲୁଆର-ଭିରେ ମିଳୁଥିବା ୧.୫ ଲିଟର ଡିଜେଲ ଇଞ୍ଜିନକୁ ବନ୍ଦ କରିବ। WR-V, Jazz ଏବଂ Amaze ର ଡିଜେଲ ଭେରିଏଣ୍ଟ୍ ପାଇଁ ହୋଣ୍ଡା ମଧ୍ୟ ଅର୍ଡର ନେବା ବନ୍ଦ କରିଦେଇଛି।
ସର୍ବଭାରତୀୟ ସ୍ତରରେ ମଧ୍ୟ ଅନେକ ବ୍ରାଣ୍ଡ ଡିଜେଲ ଇଞ୍ଜିନ ବନ୍ଦ କରି ଦେଇଛନ୍ତି । ଭାରତୀୟ କାର ନିର୍ମାତା ମାରୁତି ସୁଜୁକି ଡିଜେଲ ଇଞ୍ଜିନରୁ ନିଜକୁ ଦୂରେଇ ରଖିଛି। ମାରୁତି କେବଳ ପେଟ୍ରୋଲ ଇଞ୍ଜିନ୍ ପ୍ରଦାନ କରୁଛି ।
