ଭୁବନେଶ୍ୱର, ୦୨/୧୨/୨୦୨୨- ଆଠ ଦିନର କ୍ରମାଗତ ଅଭିବୃଦ୍ଧି ପରେ ଆଜି ଭାରତୀୟ ଷ୍ଟକ୍ ମାର୍କେଟର ଗତି ବନ୍ଦ ହୋଇଯାଇଛି । ସପ୍ତାହର ଶେଷ ବାଣିଜ୍ୟ ଦିନରେ ଭାରତୀୟ ଷ୍ଟକ୍ ମାର୍କେଟରେ ଲାଭ ବୁକିଂ ଦେଖିବାକୁ ମିଳିଥିଲା । ମୁମ୍ବାଇ ଷ୍ଟକ୍ ଏକ୍ସଚେଞ୍ଜର ସୂଚକାଙ୍କ ୬୩୦୦୦ ତଳକୁ ଖସି ଆସିଛି ଏବଂ ୪୧୫ ପଏଣ୍ଟ ହ୍ରାସ ସହିତ ୬୨,୮୬୮ ପଏଣ୍ଟରେ ବନ୍ଦ ହୋଇଯାଇଛି । ଏଥି ସହିତ, ନ୍ୟାସନାଲ ଷ୍ଟକ୍ ଏକ୍ସଚେଞ୍ଜର ନିଫ୍ଟି ୯୪ ପଏଣ୍ଟ ହ୍ରାସ ସହିତ ୧୯,୦୪୨ ପଏଣ୍ଟରେ ବନ୍ଦ ହୋଇଛି ।
ଆଜି ବଜାରରେ ସମସ୍ତ ଅଗ୍ରଣୀ କ୍ଷେତ୍ରର ସେୟାରରେ ହ୍ରାସ ଘଟିଛି । ବ୍ୟାଙ୍କିଙ୍ଗ୍, ଆଇଟି, FMCG , ଫାର୍ମା, ଶକ୍ତି , ଅଟୋ ପରି ସେକ୍ଟର ସେୟାର ତଳକୁ ଖସିଛି । କେବଳ ଧାତୁ, ରିଏଲ୍ ଇଷ୍ଟେଟ୍ ଏବଂ ମିଡିଆ ସେକ୍ଟରର ଅଂଶଧନ ବୃଦ୍ଧି ପାଇଛି । ନିଫ୍ଟିର ୫୦ ଟି ଷ୍ଟକ୍ ମଧ୍ୟରୁ ୧୮ ଟି ଷ୍ଟକ୍ ଲାଭ ସହିତ ବନ୍ଦ ହୋଇଥିବା ବେଳେ ୩୨ ଟି ଷ୍ଟକ୍ କ୍ଷତି ସହିତ ବନ୍ଦ ହୋଇଛି ।
