ଭୁବନେଶ୍ୱର, ୦୮/୧୨/୨୦୨୨ – ଯେତେବେଳେ ଟାଟା ମୋଟର୍ସ ନାନୋ କାର୍ ଲଞ୍ଚ କଲା, ଏହାକୁ ଦେଶର ସବୁଠାରୁ ଶସ୍ତା କାର ଭାବରେ ଅଣା ଯାଇଥିଲା । କମ୍ପାନୀ ଅନୁମାନ କରୁଥିଲା ଯେ ମୋଟର ସାଇକେଲ ବଜେଟ୍ ଥିବା ଲୋକମାନେ ମଧ୍ୟ ଏହି ଗାଡି କିଣିବାକୁ ଯୋଜନା କରିବେ । ଅବଶ୍ୟ, ଏହା ଏକ ବିଫଳ ଉତ୍ପାଦ ବୋଲି ପ୍ରମାଣିତ ହେଲା ଏବଂ ଶେଷରେ ଟାଟା ନାନୋକୁ ବନ୍ଦ କରିବାକୁ ପଡିଲା । ବର୍ତ୍ତମାନ ଖବର ଅଛି ଯେ ଟାଟା ନାନୋ ମାର୍କେଟକୁ ପ୍ରତ୍ୟାବର୍ତ୍ତନ କରିପାରେ, କିନ୍ତୁ ଏଥର ନାନୋକୁ ଏକ ଇଲେକ୍ଟ୍ରିକ ଅବତାରରେ ଅଣାଯିବ ।
ଆଗାମୀ ୫ ବର୍ଷରେ ଟାଟା ୧୦ ଟି ଇଲେକ୍ଟ୍ରିକ୍ ମଡେଲ୍ ଲଞ୍ଚ କରିବାକୁ ଲକ୍ଷ୍ୟ ରଖିଛି । ଟାଟା ସନ୍ସ ଚେୟାରମ୍ୟାନ୍ ନଟରାଜନ୍ ଚନ୍ଦ୍ରଶେଖରନ୍ କହିଥିଲେ ଯେ କମ୍ପାନୀ FY21 ରେ ୫୦୦୦ ଇଭି ଏବଂ FY22 ରେ ୧୯,୫୦୦ ବିକ୍ରି କରିଛି । ଏଥି ସହିତ, ଚଳିତ ଆର୍ଥିକ ବର୍ଷ ପାଇଁ ୫୦ ହଜାର ଇଭିଏର ଲକ୍ଷ୍ୟ ଥିଲା । କମ୍ପାନୀ ଏପ୍ରିଲ୍-ନଭେମ୍ବର ୨୦୧୨ ଅବଧିରେ ୨୪,୦୦୦ ରୁ ଅଧିକ ଇଭି ବିକ୍ରି କରିସାରିଛି ।
