ଭୁବନେଶ୍ୱର: ଖୁବ ଶୀଘ୍ର ଆକାଶରେ ଉଡ଼ୁଥିବାର ବାଇକ୍ ଦେଖିବାକୁ ପାଇବେ। ଆକାଶରେ ଉଡ଼ୁଥିବା ବାଇକ୍ ବୁକିଂ ଆରମ୍ଭ ହୋଇଛି। ଆମେରିକାର ବିମାନ କମ୍ପାନୀ ଜେଟପ୍ୟାକ୍ ଦୁନିଆର ପ୍ରଥମ ଫ୍ଲାଇଙ୍ଗ ବାଇକ୍ ପାଇଁ ବୁକିଂ ନେବା ଆରମ୍ଭ କରିଛି। ଏହି ବାଇକ୍ ରେ ୮ ଟି ଶକ୍ତିଶାଳୀ ଜେଟ୍ ଇଞ୍ଜିନ୍ ବ୍ୟବହୃତ ହୋଇଛି, ଯାହାର ୩୦ ମିନିଟରେ ୯୬ କିଲୋମିଟର ଯାତ୍ରା କରିବାର କ୍ଷମତା ଅଛି ।
ଏହି ବାଇକ୍ ଆରୋହୀ ସହିତ ୨୫୦ କିଲୋଗ୍ରାମ ପର୍ଯ୍ୟନ୍ତ ଓଜନ ବହନ କରିବାକୁ ସକ୍ଷମ ହେବ। ମୋଟରସାଇକେଲ ୨୫୦mph ବେଗରେ ବାୟୁରେ ଉଡ଼ିବାରେ ସକ୍ଷମ ହେବ।
ଜଣେ ଭଲ ପାଇଲଟ୍ ଏହି ବାଇକକୁ ୧୬,୦୦୦ ଫୁଟ ଉଚ୍ଚକୁ ନେଇପାରିବେ, କିନ୍ତୁ ଏହି ଉଚ୍ଚତାକୁ ଗଲେ ଏହାର ଇନ୍ଧନ ସରିଯିବ ଏବଂ ପାଇଲଟ୍ ଆରୋହୀ ସୁରକ୍ଷିତ ଭାବରେ ଭୂମିରେ ଫେରିବା ପାଇଁ ପାରାଚ୍ୟୁଟ୍ ଆବଶ୍ୟକ କରିବେ।
ଯୁଦ୍ଧ ବିମାନରେ ବ୍ୟବହୃତ ଫ୍ଲାଏ-ବାଇ-ୱାୟର ଟେକ୍ନୋଲୋଜି ଏହି ବାଇକକୁ ବାୟୁରେ ଉଡ଼ାଇବା ପାଇଁ ବ୍ୟବହୃତ ହୋଇଛି । ଏହା ହ୍ୟାଣ୍ଡଗ୍ରିପରେ ଦିଆଯାଇଥିବା ବଟନ୍ ଦ୍ୱାରା ନିୟନ୍ତ୍ରିତ ।
ନିରାପତ୍ତାକୁ ଧ୍ୟାନରେ ରଖି ଏହାର ନିୟନ୍ତ୍ରଣ ୟୁନିଟରେ ସେନ୍ସର ବ୍ୟବହାର କରାଯାଇଛି । ଯାହା, ଉଡ଼ାଣ ସମୟରେ ଉଡ଼ାଣର ଦିଗ ବିଷୟରେ ସୂଚନା ରଖିବା ସହିତ, ଏହା ମଧ୍ୟ ସ୍ୱୟଂଚାଳିତ ଭାବରେ ଏହାକୁ ଧକ୍କା ହେବାରୁ ରକ୍ଷା କରିବାରେ ସକ୍ଷମ ହୋଇଥାଏ ଯେତେବେଳେ ଗଛ କିମ୍ବା କୋଠା ପରି କିଛି ସାମ୍ନାକୁ ଆସେ ।
ଏହାର ନିର୍ମାତା ଜେଟପ୍ୟାକ୍ ଆଭିଏସନ ଏହି ବାଇକ୍ ପାଇଁ ବୁକିଂ ନେବା ଆରମ୍ଭ କରିଛି । କମ୍ପାନୀ ଏହାର ପ୍ରାରମ୍ଭିକ ମୂଲ୍ୟ ୩.୧୫ କୋଟି ଟଙ୍କା ରଖିଛି। ଏହି ବାଇକ୍ ଆସନ୍ତା ଦୁଇ-ତିନି ବର୍ଷ ମଧ୍ୟରେ ବଜାରରେ ଲଞ୍ଚ ହବ।
