ଭୁବନେଶ୍ୱର, ୦୨/୦୩/୨୦୨୩ – ଫେବୃଆରୀ ୬ ତାରିଖରୁ ୧୦ ତାରିଖ ଯାଏ କେନ୍ଦ୍ର ବିରୋଧରେ ପ୍ରତ୍ୟେକ ଜିଲ୍ଲା, ବ୍ଲକ, ପଞ୍ଚାୟତରେ ବିକ୍ଷୋଭ କରିବ କଂଗ୍ରେସ । ସେହିପରି ମାର୍ଚ୍ଚ ୧୩ ତାରିଖରେ ରାଜ ଭବନ ମଧ୍ୟ ଘେରାଉ କରିବ । କେନ୍ଦ୍ରର ଆଦାନୀ ପ୍ରୀତି ଲୋକ ଲୋଚନକୁ ଅଣାଯିବ ବୋଲି PCC ସଭାପତି ଶରତ ପଟ୍ଟନାୟ କହିଛନ୍ତି ।
ସେହିପରି ଦରଦାମ ବୃଦ୍ଧିକୁ ନେଇ ଜିଲ୍ଲା ସ୍ତରରେ ଆନ୍ଦୋଳନ କରାଯିବ । ଦରଦାମ ନିୟନ୍ତ୍ରଣରେ କେନ୍ଦ୍ର ସରକାର ସମ୍ପୂର୍ଣ୍ଣ ବିଫଳ ହୋଇଛି । କେନ୍ଦ୍ରର ଗରିବ ମାରଣା ନୀତି ବିରୋଧରେ ଜନ ଅସନ୍ତୋଷ ଦେଖାଦେଇଛି । ମିଛର ସ୍ଵପ୍ନ ଦେଖାଉଛି କେନ୍ଦ୍ର । କୁଆଡେ ଗଲା ନିଯୁକ୍ତି, କେବେ ଲୋକଙ୍କ ଖାତାକୁ ଆସିବ ୧୫ଲକ୍ଷ ବୋଲି କେନ୍ଦ୍ରକୁ ପ୍ରଶ୍ନ କରିବା ସହ B.J.P.ର ହିଂସା ରାଜନୀତିକୁ କଡ଼ା ସମାଲୋଚନା କରିଛନ୍ତି PCC ସଭାପତି ।
