ଭୁବନେଶ୍ୱର: ODI କ୍ରିକେଟ୍ ରେ, ୟୁଏଇର ଜଣେ ବ୍ୟାଟ୍ସମ୍ୟାନ୍ ୪୧ ବଲରେ ଶତକ ହାସଲ କରି ଶୀର୍ଷ -୫ ତାଲିକାରେ ପ୍ରବେଶ କରିଛନ୍ତି । ଆସନ୍ତୁ ଜାଣିବା ପାଞ୍ଚ ଖେଳାଳିଙ୍କ ତାଲିକା ଯେଉଁମାନେ ଏହି ଫର୍ମାଟରେ ଦ୍ରୁତତମ ଶତକ କରିଛନ୍ତି: –
ମାର୍କ ବଚର୍ – ଦକ୍ଷିଣ ଆଫ୍ରିକାର ପୂର୍ବତନ ୱିକେଟ୍ କିପର ବ୍ୟାଟ୍ସମ୍ୟାନ୍ ମାର୍କ ବଚର୍ ଜିମ୍ବାୱେ ବିପକ୍ଷରେ ୪୪ ବଲରେ ଶତକ ହାସଲ କରିଥିଲେ। ସେ ଏହି ତାଲିକାରେ ପଞ୍ଚମ ସ୍ଥାନରେ ଅଛନ୍ତି।
ଆସିଫ ଖାନ- ୟୁଏଇ ବ୍ୟାଟ୍ସମ୍ୟାନ୍ ଆସିଫ ଖାନ ODI ବିଶ୍ୱକପ ୨୦୨୩ ଯୋଗ୍ୟତା ପର୍ଯ୍ୟାୟରେ ନେପାଳ ବିପକ୍ଷରେ ୪୧ ବଲରେ ଶତକ ମାରିଥିଲେ।
ଶାହିଦ୍ ଆଫ୍ରିଦି- ପାକିସ୍ତାନର ପୂର୍ବତନ ଅଧିନାୟକ ଶାହିଦ୍ ଆଫ୍ରିଦିଙ୍କ ଏହି ରେକର୍ଡ ବର୍ଷ ବର୍ଷ ଧରି ଚାଲିଥିଲା। ସେ ଶ୍ରୀଲଙ୍କା ବିପକ୍ଷରେ ୩୭ ବଲରେ ଶତକ ହାସଲ କରିଥିଲେ।
ନ୍ୟୁଜିଲ୍ୟାଣ୍ଡର କୋରି ଆଣ୍ଡରସନ୍- ୱେଷ୍ଟଇଣ୍ଡିଜ୍ ବିପକ୍ଷ ୩୬ ବଲରେ ODI କ୍ରିକେଟ୍ ରେ ଶତକ ହାସଲ କରି ନ୍ୟୁଜିଲ୍ୟାଣ୍ଡର କୋରି ଆଣ୍ଡରସନ୍ ଶାହିଦ୍ ଆଫ୍ରିଦିଙ୍କ ପୁରୁଣା ରେକର୍ଡ ଭାଙ୍ଗିଛନ୍ତି।
ଏବି ଡି ଭିଲିୟର୍ସ – ଦକ୍ଷିଣ ଆଫ୍ରିକାର ତାରକା ଖେଳାଳି ଏବି ଡି ଭିଲିୟର୍ସ ୱେଷ୍ଟଇଣ୍ଡିଜ୍ ବିପକ୍ଷରେ ମାତ୍ର ୩୧ ବଲରେ ଶତକ ହାସଲ କରିଥିଲେ। ODI କ୍ରିକେଟ୍ ରେ ଏହା ହେଉଛି ବିଶ୍ୱ ରେକର୍ଡ।
