ବିଏସପି ବିଧାୟକ ରାଜୁ ପାଲ ମର୍ଡର କେସର ମୁଖ୍ୟ ସାକ୍ଷୀ ଉମେଶ ପାଲ ଅପହରଣ ମାମଲାରେ ବଡ଼ ରାୟ । ମାଫିଆ ଆତିକ ଅହମ୍ମଦ, ଭାଇ ଅସରଫ ସମେତ ୩ ଅଭିଯୁକ୍ତକୁ ଦୋଷୀ ସାବ୍ୟସ୍ତ କରିଛନ୍ତି ପ୍ରୟାଗରାଜ ସ୍ପେଶାଲ ଏମପି-ଏମଏଲଏ କୋର୍ଟ । ଅନ୍ୟ ୭ ଅଭିଯୁକ୍ତଙ୍କୁ କୋର୍ଟ ଦୋଷମୁକ୍ତ କରିଛନ୍ତି । ୧୭ବର୍ଷ ପରେ ଡନ୍ ଅତିକକୁ ଦୋଷୀ ସାବ୍ୟସ୍ତ କରିଛନ୍ତି ନ୍ୟାୟାଳୟ।
୨୦୦୬ରେ ଆତିକ , ତାର ସହଯୋଗୀ ଉମେଶ ପାଲକୁ ଅପହରଣ ଓ ପରିବାରକୁ ହତ୍ୟା ଧମକ ଦେଇଥିଲେ । ଏହାସହ ଉମେଶକୁ କୋର୍ଟରେ ମିଛ ବୟାନ ଦେବାକୁ ଧମକ ଦେଇଥିଲେ । ୨୦୦୭ରେ ଉତ୍ତରପ୍ରଦେଶରେ ମାୟାବତୀ ସରକାର ଆସିବା ପରେ ଆତିକ ଓ ଅସରଫ ସମେତ ୧୦ଜଣଙ୍କ ନାଁରେ ମାମଲା ରୁଜୁ ହୋଇଥିଲା।
ପୋଲିସ ତଦନ୍ତରେ ଅନ୍ୟ ୬ଜଣଙ୍କ ନାଁ ସାମ୍ନାକୁ ଆସିଥିଲା । ପୋଲିସ ମୋଟ ୧୧ଜଣଙ୍କ ନାଁରେ ଚାର୍ଜସିଟ ଦାଖଲ କରିଥିଲା । ୧୧ ଅଭିଯୁକ୍ତଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ୭ଜଣଙ୍କୁ କୋର୍ଟ ଦୋଷମୁକ୍ତ କରିଛନ୍ତି।
