ନୂଆଦିଲ୍ଲୀ: ଗତ କିଛି ଦିନ ହେବ ଆମେରିକାରେ ଦେଖାଯାଇଥିବା ଚୀନ୍ର ଗୁପ୍ତଚର ବେଲୁନ୍କୁ ଆଜି ଗୁଳି କରି ଖସେଇ ଦିଆଯାଇଛି। ରାଷ୍ଟ୍ରପତି ଜୋ ବାଇଡେନଙ୍କ ନିର୍ଦ୍ଦେଶ ପରେ ଏହି କାର୍ଯ୍ୟ କରାଯାଇଛି । ଏହି ବେଲୁନ୍ କୁ ସମୁଦ୍ରରେ ପକାଇ ଦିଆଯାଇଛି ଏବଂ ବର୍ତ୍ତମାନ ଦଳମାନେ ସେହି ସ୍ଥାନକୁ ଯାଇ ଆବର୍ଜନା ସଂଗ୍ରହ କରିଛନ୍ତି । ନ୍ୟୁଜ୍ ଏଜେନ୍ସି ଏପି ଅନୁଯାୟୀ, ଏହି ବେଲୁନ୍ ପକାଇବା ପୂର୍ବରୁ ତିନୋଟି ବିମାନବନ୍ଦର ବନ୍ଦ ରହିଥିଲା ଏବଂ ଆକାଶ ସୀମା ମଧ୍ୟ ବନ୍ଦ ରହିଥିଲା। ଏହା ପରେ ଆମେରିକାର ସେନା ବିମାନ ଆଟଲାଣ୍ଟିକ୍ ମହାସାଗରରେ ସେହି ଗୁପ୍ତଚର ବେଲୁନ୍ କୁ ସୁଟ କରି ଖସେଇ ଦେଇଥିଲେ ।
ଆମେରିକାର ସେନା ଦ୍ୱାରା ସେହି ବେଲୁନର ଗତିବିଧି ଉପରେ ତୀକ୍ଷ୍ଣ ନଜର ରଖାଯାଇଥିଲା। ଚୀନ୍ର ଏହି ସନ୍ଦିଗ୍ଧ ଗୁପ୍ତଚର ବେଲୁନ୍ ଆମେରିକା, କାନାଡା ଏବଂ ଲାଟିନ୍ ଆମେରିକାର ଆକାଶରେ ଦେଖାଯିବା ପରେ ଉତ୍ତେଜନା ଦେଖାଦେଇଥିଲା।
ସବୁଠାରୁ ବଡ କଥା ହେଉଛି ମୋଟାନା ଅଞ୍ଚଳରେ ଯେଉଁଠାରେ ସେହି ଗୁପ୍ତଚର ବେଲୁନ୍ ଉଡୁଥିଲା, ସେଠାରେ ଆମେରିକାର ଆଣବିକ କ୍ଷେପଣାସ୍ତ୍ର ମଧ୍ୟ ଅଛି। ଆମେରିକାର ସେନା ସନ୍ଦେହ କରିଥିଲା ଯେ ଗୁପ୍ତଚର ବେଲୁନ୍ ସେହି ସମ୍ବେଦନଶୀଳ ଅଞ୍ଚଳ ଦେଇ ଯାଇ ଚୀନ୍କୁ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ପହଞ୍ଚାଇବ।
