ମୋବାଇଲ୍ ନ୍ୟୁଜ୍ ବ୍ୟୁରୋ: କହି ବୋଲି ପାରେ ଯିଏ ପଚା ଚିଙ୍ଗୁଡ଼ି ବିକେ ସିଏ । ସାଧାରଣତଃ କୌଣସି ଜିନିଷ କିମ୍ବା ସେବାର ପ୍ରଚାର ପ୍ରସାର କରିବା ହେଉ କିମ୍ବା ଅଧିକ ସେଲ୍ କରିବା ପାଇଁ ବିଜ୍ଞାପନ ବା ଆଡର୍ଭଟାଇଜ୍ମେଣ୍ଟ ବହୁ ଗୁରୁତ୍ୱପୂର୍ଣ୍ଣ । ଆଉ ବିଜ୍ଞାପନ ବି କୌଣସି ମାମୁଲି ଜିନିଷ ନୁହେଁ । ଏହା ଜରିଆରେ ଜନସାଧାରଣଙ୍କୁ ନିର୍ଦ୍ଦିଷ୍ଟ ଜିନିଷ ପ୍ରତି ଆକୃଷ୍ଟ କରାରାଯାଏ । ଏଥି ପାଇଁ ବିଭିନ୍ନ କମ୍ପାନୀ ବିଜ୍ଞାପନରେ ସେଲିବ୍ରେଟିଙ୍କୁ ରଖିବା ପାଇଁ ଅଧିକ ଗୁରୁତ୍ୱ ଦିଅନ୍ତି କାରଣ , ଏହା ଦ୍ୱାରା ଲୋକମାନେ ବେଶି ଆକୃଷ୍ଟ ହୋଇଥାନ୍ତି ।
ଆଉ କୌଣସି ବିଜ୍ଞାପନ କରିବା ପୂର୍ବରୁ ବିଭିନ୍ନ ଦିଗ ପ୍ରତି ଧ୍ୟାନ ଦେବାକୁ ପଡ଼ିଥାଏ । ବିଶେଷ ଭାବରେ ଗ୍ରାହକ ସୁରକ୍ଷା ନିୟମ ଅନୁଯାୟୀ କୌଣସି ବିଜ୍ଞାପନ କରିବା ପୂର୍ବରୁ ସେଲିବ୍ରେଟିମାନେ ଆଇନଗତ ଭାବେ ଅବଶ୍ୟକ ସମସ୍ତ ରିସର୍ଚ୍ଚ କରିବା ଆବଶ୍ୟକ । କିନ୍ତୁ ଆଶ୍ଚର୍ଯ୍ୟର କଥା ଯେ ଏହା ଉପରେ ପ୍ରାୟତଃ ବହୁ ବଡ଼ ବଡ଼ ସେଲିବ୍ରେଟିମାନେ ମଧ୍ୟ ଧ୍ୟାନ ଦେଇ ନଥାନ୍ତି । ଆପଣ ଶୁଣିଲେ ଆଶ୍ଚର୍ଯ୍ୟ ହେବେ ଯେ ଦେଶର ବହୁ ବଡ଼ ବଡ଼ ସେଲିବ୍ରେଟି ଏହି ନିୟମ ଭାଙ୍ଗିଛନ୍ତି । ଏନେଇ ସରକାରଙ୍କ ସ୍ୱୟଂନିୟାମକ ସଂସ୍ଥା ଏଏସ୍ସିଆଇ ସୂଚନା ଦେଇଛି । ସଂସ୍ଥା ଏହି ସେଲିବ୍ରେଟି ମାନଙ୍କର ଏକ ତାଲିକା ମଧ୍ୟ ବାହାର କରିଛି । ଆଉ ଏହି ତାଲିକାର ଶୀର୍ଷରେ ବା ନମ୍ବର ୱାନ୍ରେ ଅଛନ୍ତି କ୍ରିକେଟର ମହେନ୍ଦ୍ର ସିଂ ଧୋନି । ତାଙ୍କ ବିରୋଧରେ ୧୦ଟି ଅଭିଯୋଗ ସହ ସେ ଶୀର୍ଷରେ ଅଛନ୍ତି । ଏହା ସମସ୍ତଙ୍କୁ ବିସ୍ମିତ କରିଛି । ଦ୍ୱିତୀୟରେ ୭ଟି ମାମଲା ସହ ଅଛନ୍ତି ହାସ୍ୟ ଅଭିନେତା ୟୁଟୁ୍ୟବର୍ ଭୁବନ ବାମ । ତେବେ ରିପୋର୍ଟ ଅନୁଯାୟୀ ବିଜ୍ଞାପନ କରିବା ପୂର୍ବରୁ ସେଲିବ୍ରେଟିମାନେଆଇନଗତ ଭାବେ ଅବଶ୍ୟକ ସମସ୍ତ ରିସର୍ଚ୍ଚ କରିବା ଆବଶ୍ୟକ । କିନ୍ତୁ ୯୭ ପ୍ରତିଶତ ସେଲିବ୍ରେଟି ଏସମ୍ପର୍କରେ କୌଣସି ପ୍ରମାଣ ଦେବାରେ ବିଫଳ ହୋଇଛନ୍ତି।
ରିପୋର୍ଟରେ କୁହାଯାଇଛି ଯେ ଖେଳ, ଶିକ୍ଷା, ସ୍ୱାସ୍ଥ୍ୟସେବା ଏବଂ ବ୍ୟକ୍ତିଗତ ଯତ୍ନ ଉତ୍ପାଦ ସମ୍ବନ୍ଧୀୟ ଆଡ଼ଭେଟାଇଜ୍ମେଣ୍ଟ ରେ ଅଧିକ ମାତ୍ରାରେ ଏହି ନିୟମ ଉଳ୍ଲଂଘନ ହୋଇଛି । ବିଜ୍ଞାପନ ଶିଳ୍ପର ଏହି ସଂଗଠନ ୨୦୨୨-୨୩ ବର୍ଷରେ ୮. ୯୫୧ ଅଭିଯୋଗ ଗ୍ରହଣ କରିଥିଲେ । ବିଶେଷ କଥା ହେଉଛି ପ୍ରାୟ ତିନି-ଚତୁର୍ଥାଂଶ ବିଜ୍ଞାପନ ଡିଜିଟାଲ ମିଡିଆରେ ପ୍ରକାଶ ପାଇଛି। ବର୍ତମାନ ସମୟରେ ଡିଜିଟାଲ ମିଡିଆରେ ଏହିପରି ଆଇନ ଉଲ୍ଲଂଘନ ଅନଲାଇନ୍ ପ୍ଲାଟଫର୍ମରେ ଗ୍ରାହକଙ୍କ ସୁରକ୍ଷାକୁ ନେଇ ଗମ୍ଭୀର ଚିନ୍ତା ବଢ଼ିଛି ବୋଲି ଏଏସସିଆଇ କହିଛି।
