ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ଙ୍କ ପାଇଁ ବଢିଲା ଅଡୁଆ । ହାଜର ପାଇଁ ନୋଟିସ ଜାରି କଲା ଇଡି । ଡିସେମ୍ବର ୨୧ରେ ହାଜର ପାଇଁ ହୋଇଛି ନିଦେ୍ର୍ଦଶ । ଏହି ସମୟରେ କେଜ୍ରିୱାଲ୍ଙ୍କୁ ମାରାଥାନ ଜେରା କରିବା ନେଇ ସମ୍ଭାବନା ରହିଛି । ଚର୍ଚ୍ଚା ହଉଛି କି ଡିସେମ୍ବର ୨୧ଅର୍ଥାତ ଗୁରୁବାର ଦିନ ଗାଦିଶୂନ୍ୟ ହୋଇଯିବ ଦିଲ୍ଲୀ । ଅର୍ଥାତ ଆରେଷ୍ଟ ହୋଇପାରନ୍ତି କେଜ୍ରିୱାଲ୍ । ମୁରବୀ ବିହିନ ହୋଇପାରେ ଦିଲ୍ଲୀ । ତେବେ ଭେଳି ଚର୍ଚ୍ଚା ପଛରେ କାରଣ କଣ, ଆସନ୍ତୁ ଜାଣିବା ।
ବର୍ତମାନ ପାଖେଇ ଆସୁଛି ୨୦୨୪ ନିର୍ବାଚନ । ଏହାକୁ ନେଇ ପୁଣି ଥରେ ଆକ୍ଟିଭ ହୋଇଛି ଇଡି । ଦିଲ୍ଲୀ ମଦ ଦୁର୍ନିତୀ ମାମଲାରେ ତନାଘନା ଚଳାଇଛି ପ୍ରବର୍ତନ ନିଦେ୍ର୍ଦଶାଳୟ । ତେଣୁ ଏହି ମାମଲାରେ ପୂର୍ବରୁ ସତ୍ୟେନ୍ଦ୍ର ଜୈନ ଓ ସଂଜୟ ସିଂଙ୍କୁ ଗିରଫ କରାଯାଇ ସାରିଛି । ଆଉ ଏବେ କେଜ୍ରିୱାଲ୍ ହାଜର ପରେ ତାଙ୍କୁ ମଧ୍ୟ ମାରାଥାନ ଜେରା କରାଯିବାର ସମ୍ଭାବନା ରହିଛି । ଏଦୃଷ୍ଟିରୁ ବର୍ତମାନ ଆପ ମୁଖ୍ୟ କେଜ୍ରିୱାଲ୍ଙ୍କ ପାଳି ବୋଲି ରାଜନୈତିକ ମହଲରେ ଆଲୋଚନା ଚାଲିଛି । ଏଠାରେ କହିରଖୁଛୁ ଯେ, ଆପର ଜଣଙ୍କ ପରେ ଜଣେ ନେତା ମଦ ଦୁର୍ନିତୀ ମାମଲାରେ ଛନ୍ଦି ହୋଇ ରହିଛନ୍ତି ।
ପ୍ରଥମେ ସତ୍ୟେନ୍ଦ୍ର ଜୈନ ଓ ପରେ ଆପ ସାଂସଦ ସଂଜୟ ସିଂ ଗିରଫ ହୋଇ ଜେଲରେ ରହିଛନ୍ତି । କୁହାଯାଏ କି କେଜ୍ରିୱାଲ୍ଙ୍କ ପରେ ୨ୟରେ ସଂଜୟ ସିଂ ରହିଥିଲା ଦବଦବା । କିନ୍ତୁ ଏହି ମାମଲାରେ ସେ ଜେଲରେ ଯାଇଥିବାରୁ ଏବେ ଦିଲ୍ଲୀ ମୁଖ୍ୟମନ୍ତ୍ରୀ ବି ସମାନ ଯନ୍ତ୍ରଣା ଭୋଗିବେ ବୋଲି ଚର୍ଚ୍ଚା ହେଉଛି । ଏପରିକି ଏନେଇ ପୂର୍ବରୁ ମଧ୍ୟ ଇଡି ସମନ କରିସାରିଛି । ୨ନଭେମ୍ବରରେ ହାଜର ହେବା ପାଇଁ ନୋଟିସ କରିଥିଲା ଇଡି । କିନ୍ତୁ କୌଣସି କାରଣ ଦର୍ଶାଇ ହାଜର ହୋଇନଥିଲେ କେଜ୍ରିୱାଲ୍ । ଆଉ ଏବେ ଗୁରୁବାର ପୁଣିଥରେ ହାଜର ପାଇଁ ନିଦେ୍ର୍ଦଶ ଦେଇଛି ପ୍ରବର୍ତନ ନିଦେ୍ର୍ଦଶାଳୟ । ତେଣୁ ଏଥର କେଜ୍ରିୱାଲ୍ ଜେଲ ଯିବେ ଓ ଦିଲ୍ଲୀ ଗାଦିଶୂନ୍ୟ ହେବମତ ଦେଉଛନ୍ତି ରାଜନୈତିକ ବିଶାରଦ ।
