କଟକ: କଟକର ନୂଆ ଡିସିପି ଭାବେ ଆଜି ଦାୟିତ୍ୱ ଗ୍ରହଣ କରିଛନ୍ତି ଆଇପିଏସ୍ ଜଗମୋହନ ମିନା । ଦାୟିତ୍ୱ ଗ୍ରହଣ କରିବା ପରେ କାର୍ଯ୍ୟ ଆରମ୍ଭ କରିଛନ୍ତି । ଗଣମାଧ୍ୟମରେ ଡିସିପି ଜଗମୋହନ ମିନା କହିଛନ୍ତି ଯେ ହ୍ୱାଟ୍ସଆପରେ ଲୋକମାନେ ଅଭିଯୋଗ ଜଣାଇ ପାରିବେ ।
ଲୋକଙ୍କ ଅଭିଯୋଗକୁ ଗୁରୁତ୍ୱ ଦେବା ସହ ଥାନାକୁ ଆସୁଥିବା ଲୋକଙ୍କୁ ଉତ୍ତମ ବ୍ୟବହାର ଉପରେ ଗୁରୁତ୍ୱ ଦିଆଯିବ ବୋଲି ଡିସିପି କହିଛନ୍ତି । ପୁଲିସ ପକ୍ରିୟା ସମୟକୁ କମ କରାଯିବ। ପୁଲିସକୁ ସଫ୍ଟ ସ୍କିଲ ଟ୍ରେନିଂ ଦିଆଯିବା ସହ ଅନଲାଇନ କୋର୍ସ ଉପରେ ଗୁରୁତ୍ୱ ଦିଆଯିବ।
ଏହାସହିତ ସହରରେ ଶାନ୍ତିଶୃଙ୍ଖଳା ଉପରେ ବିଶେଷ ଗୁରୁତ୍ୱ ରହିବ ବୋଲି ଜଗମୋହନ ମିନା କହିଛନ୍ତି l ଦାୟିତ୍ଵ ଗ୍ରହଣ କରି ଆଗକୁ ପାର୍ବଣ ଋତୁ ଆସୁଥିବାରୁ ଶାନ୍ତି ଶୃଙ୍ଖଳା ସହିତ କରିବାକୁ ସହରବାସୀଙ୍କୁ ପୁଲିସକୁ ସହଯୋଗ କରିବାକୁ ଅନୁରୋଧ କରିଛନ୍ତି l
ଥାନାରେ କିଭଳି ଭଲ ବ୍ୟବହାର କରିବେ ସେ ବିଷୟରେ ନିଜ ଅଫିସର ମାନଙ୍କୁ କହିବେ ବୋଲି କହିଛନ୍ତି l ମହିଳା ମାନଙ୍କ ଗୁହାରିକୁ ପ୍ରାଧାନ୍ୟ ଦିଆଯିବ ବୋଲି କହିଥିଲେ l
