ମହାରାଷ୍ଟ୍ର: ଜନସମୁଦ୍ର ମଧ୍ୟରେ ଗୋଟିଏ ନାଁ ଶୁଭୁଥିଲା । ଦେବେନ୍ଦ୍ର ଫଡନାଭିସ । ମହାରାଷ୍ଟ୍ରରେ ଚାଲିଲା ଫଡନାଭିସ ଶାସନ । ମୁଖ୍ୟମନ୍ତ୍ରୀର ପଦ ଓ ଗୋପନୀୟତାର ଶପଥ ନେଲେ ଦେବେନ୍ଦ୍ର ଫଡନାଭିସ । ରାଜ୍ୟର ୧୮ତମ ମୁଖ୍ୟମନ୍ତ୍ରୀ ଭାବେ ନେଲେ ଦାୟିତ୍ୱ । ଗୁରୁବାର ମୁମ୍ବାଇର ଆଜାଦ୍ ମଇଦାନରେ ରାଜ୍ୟପାଳ ମହାରାଷ୍ଟ୍ର ରାଜ୍ୟପାଳ ସି.ପି. ରାଧାକୃଷ୍ଣନ ଦେବେନ୍ଦ୍ର ଫଡନ୍ବିସଙ୍କୁ ଶପଥ ପାଠ କରାଇଛନ୍ତି। ଦିନେ ସମୟ ଥିଲା ମେୟର ହୋଇ ମହାରାଷ୍ଟ୍ର ରାଜନୀତିରେ ଉଦୀୟମାନ ରାଜନେତା ଭାବେ ଲୋକଲୋଚନକୁ ଆସିଥିଲେ ଆଉ ଆଜି ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ଗାଦିରେ ବସି ମହାରାଷ୍ଟ୍ରବାସୀଙ୍କ ଭଲପାଇବାକୁ ଆଦରିଛନ୍ତି ଫଡନାଭିସ ।
ତେବେ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍ନବିସଙ୍କ ପରେ ଉପମୁଖ୍ୟମନ୍ତ୍ରୀ ଭାବେ ଏକନାଥ ଶିନ୍ଦେ ଏବଂ ଅଜିତ ପାୱାର ମଧ୍ୟ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଭାବରେ ଶପଥ ନେଇଛନ୍ତି। ଏନସିପି ମୁଖ୍ୟ ଅଜିତ ପାୱାର ଷଷ୍ଠ ଥର ପାଇଁ ରାଜ୍ୟ ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା, ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କଜ ସମେତ ଅନେକ ବରିଷ୍ଠ ନେତା ଉପସ୍ଥିତ ଅଛନ୍ତି।
