ନୂଆଦିଲ୍ଲୀ: ନିରାଶ ହେଲେ ମନୁ ଭାକର । ଖେଳ ରତ୍ନ ପାଇଁ ବାଦ ପଡିଲେ ମନୁ । ମନୁଙ୍କ ସ୍ଥାନରେ ଭାରତୀୟ ପୁରୁଷ ହକି ଦଳର ଅଧିନାୟକ ହର୍ମନପ୍ରୀତ ସିଂହ ଏବଂ ପାରା ଆଥଲେଟ୍ ପ୍ରବୀଣ କୁମାର ଦେଶର ସର୍ବୋଚ୍ଚ କ୍ରୀଡ଼ା ସମ୍ମାନ ‘ମେଜର ଧ୍ୟାନଚାନ୍ଦ ଖେଳ ରତ୍ନ’ ପୁରସ୍କାର ପାଇବାକୁ ମନୋନୀତ ହୋଇଛନ୍ତି । କିନ୍ତୁ ମାତ୍ର ପ୍ୟାରିସ୍ ଅଲିମ୍ପିକ୍ସରେ ଡବଲ୍ ବ୍ରୋଞ୍ଜ ପଦକ ଜିତି ଇତିହାସ ରଚିଥିବା ତାରକା ସୁଟର ମନୁ ଭାକରଙ୍କ ନାମ ତାଲିକାରେ ସାମିଲ ନହେବା ସମସ୍ତଙ୍କୁ ଚକିତ କରିଛି । ଅନ୍ୟ ପଟରେ ଅର୍ଜୁନ ପୁରସ୍କାର ପାଇଁ ୩୦ଜଣଙ୍କ ନାମ ସୁପାରିସ୍ କରାଯାଇଛି ।
