ଭୁବନେଶ୍ୱର: ବିଧାନସଭାରେ ପ୍ରକାଶ ପାଇଲା ତଥ୍ୟ । ହାତୀ ମୃତୁ୍ୟକୁ ନେଇ ଆସିଲା ସୂଚନା । ଗତ ୫ ବର୍ଷରେ ବିଦ୍ୟୁତ ସଂସ୍ପର୍ଶରେ ଆସି ୨୭ ହାତୀଙ୍କ ଜୀବନ ଯାଇଛି । ହାତୀ ମୃତ୍ୟୁକୁ ନେଇ ବିଧାନସଭାରେ ଲିଖିତ ଉତ୍ତର ରଖିଛନ୍ତି ଉପ ମୁଖ୍ୟମନ୍ତ୍ରୀ କେ.ଭି ସିଂ ଦେଓ ।
କେବଳ ପଶ୍ଚିମ ଓଡ଼ିଶାରେ ୧୭ଟି ହାତୀଙ୍କର ମୃତ୍ୟୁ ହୋଇଛି । ୨୦୨୪-୨୫ରେ ସର୍ବାଧିକ ୧୧ଟି ହାତୀ ମୃତ୍ୟୁବରଣ କରିଥିବା ବେଳେ ୨୦୨୩-୨୪ ବର୍ଷରେ ୨ଟି ହାତୀ, ୨୦୨୨-୨୩ରେ ଗୋଟିଏ, ୨୦୨୧-୨୨ରେ ୨ଟି ଓ ୨୦୨୦-୨୧ରେ ଗୋଟିଏ ହାତୀର ମୃତ୍ୟୁ ହୋଇଛି । ସେହିପରି ଦକ୍ଷିଣ ଓଡିଶାରେ ବିଦ୍ୟୁତ ସଂସ୍ପର୍ଶରେ ଆସି ଗୋଟିଏ ହାତୀ ଓ ୯୧ ଜଣ ଲୋକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ସେହିପରି କେନ୍ଦ୍ରୀୟ ଓଡ଼ିଶାରେ ବିଦ୍ୟୁତ ସଂସ୍ପର୍ଶରେ ଆସି ୧୬ ଜଣ ଲୋକଙ୍କ ମୃତ୍ୟୁ ହୋଇଛି । ଉତ୍ତର ଓଡ଼ିଶାରେ ବିଦ୍ୟୁତ ସଂସ୍ପର୍ଶରେ ଆସି ୯ଟି ହାତୀ ମୃତ୍ୟୁ ବରଣ କରିଛନ୍ତି ।
