ଭୁବନେଶ୍ୱର, ୨୪|୦୬ : ବିଶ୍ୱ ରାଜନୈତିକ ପରିସ୍ଥିତି ପୁଣିଥରେ ଧନ ବଜାରକୁ ଝଟକା ଦେଇଛି। ଇରାନ ଓ ଇସ୍ରାଏଲ ମଧ୍ୟରେ ଯୁଦ୍ଧବିରତି ଘୋଷଣା ପରେ, ବିଶ୍ୱ ଧନ ବଜାରରେ ଆର୍ଥିକ ସ୍ଥିରତା ଲକ୍ଷ କରାଯାଇଛି। ଏହାର ସିଧାସଳଖ ପ୍ରଭାବ ଦେଖିବାକୁ ମିଳୁଛି ସୁନା ଓ ରୂପା ମୂଲ୍ୟ ଉପରେ – ଯେଉଁଠି ଗତକିଛି ଦିନ ଧରି ସୁନା ଓ ରୁପାର ଦର ଆକାଶ ଛୁଆଃ ଥିଲା , ଏବେ ଗୋଟିଏ ପ୍ରମୁଖ ହ୍ରାସ ଦେଖାଯାଇଛି।
ଇରାନ-ଇସ୍ରାଏଲ ମଧ୍ୟରେ ଯୁଦ୍ଧବିରତି ଖବର ପରେ ଆଜି ସୁନା ଏବଂ ରୂପାର ମୂଲ୍ୟରେ ବଡ଼ ହ୍ରାସ ପାଇଛି। ଆର୍ଥିକ ରାଜଧାନୀ ମୁମ୍ବାଇରେ, ୨୨ କ୍ୟାରେଟ୍ ସୁନା ପ୍ରତି ୧୦ ଗ୍ରାମ ୯୧,୫୫୦ ଟଙ୍କାରେ ବିକ୍ରି ହେଉଛି, ଯେତେବେଳେ ୨୪ କ୍ୟାରେଟ୍ ସୁନା ୯୯,୮୭୦ ଟଙ୍କାରେ କାରବାର ହେଉଛି। ସେହିପରି, ସୋମବାର ତୁଳନାରେ ରୂପାର ମୂଲ୍ୟ ମଧ୍ୟ କାରବାର ସମୟରେ ହ୍ରାସ ପାଇଛି ଏବଂ ପ୍ରତି କିଲୋଗ୍ରାମ ୧,୦୦,୯୦୦ ଟଙ୍କାରେ କାରବାର ହେଉଛି। MCX ରେ ସୁନା ଫ୍ୟୁଚର୍ସ ଏହି ମାସ ଆରମ୍ଭରେ ୧,୦୦,୦୦୦ ଟଙ୍କା ଛୁଇଁବା ପରେ ୧.୨୩ ପ୍ରତିଶତ ହ୍ରାସ ପାଇ ୯୮,୧୬୮ ଟଙ୍କାରେ କାରବାର ହେଉଛି। ଯେତେବେଳେ, MCX ରେ ରୂପା ଫ୍ୟୁଚର୍ସ ପ୍ରତି କିଲୋଗ୍ରାମ ୧,୦୫,୯୬୨ ଟଙ୍କାରେ ବିକ୍ରି ହେଉଛି, ଯାହା ୦.୭୫ ପ୍ରତିଶତ ହ୍ରାସ ପାଇଛି। ଏହା ଉଲ୍ଲେଖନୀୟ ଯେ ଇରାନ-ଇସ୍ରାଏଲରେ ଯୁଦ୍ଧବିରତି ପରେ ପ୍ରଥମ ଦିନରେ ଏହି ହ୍ରାସ ଦେଖାଯାଇଛି। ତଥାପି ବଜାର ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଆଗାମୀ ମାସରେ ଏଥିରେ ଆହୁରି ସୁନା ଦର ହ୍ରାସ ପାଇପାରେ ।
