#DYCHandrachud #SupremeCourtIndia #RetiredCJI #JudiciaryIndia #DisabilityAwareness #Myopathy #AccessibleHousing #HumanSideOfJustice #LegalNews #OdishaNews
ନୂଆଦିଲ୍ଲୀ ୦୮/ଜୁଲାଇ : ସୁପ୍ରିମକୋର୍ଟର ପୂର୍ବତନ ମୁଖ୍ୟ ବିଚାରପତି ଡିୱାଇ ଚନ୍ଦ୍ରଚୂଡ଼ ଅବସର ନେବା ପରେ ୫ ମାସ ବିତିଗଲା ବେଳେ ମଧ୍ୟ ୫, କୃଷ୍ଣ ମେନନ ମାର୍ଗ ରେଥିବା ସିଜେଆଇ ବଙ୍ଗଳା ଛାଡ଼ିନାହାନ୍ତି। ଏହା ଉପରେ ଉଠିଥିବା ବିବାଦ ଉପରେ ସେ ଏକ ଭାବପ୍ରବଣ ବ୍ୟାଖ୍ୟା ଦେଇଛନ୍ତି। ସେ କହିଛନ୍ତି ଯେ ତାଙ୍କ ଝିଅମାନେ ଗୁରୁତର ସ୍ୱାସ୍ଥ୍ୟ ସମସ୍ୟା ନେମାଲାଇନ ମାୟୋପାଥି ନାମକ ଜେନେଟିକ ରୋଗ ରେ ପୀଡିତ, ଯାହା ମାଂସପେଶୀକୁ ଦୁର୍ବଳ କରିଦିଏ। ସେମାନଙ୍କ ପାଇଁ ନିର୍ବିଘ୍ନ ଚିକିତ୍ସା ସହ ବୈଶିଷ୍ଟ୍ୟପୂର୍ଣ୍ଣ ଗୃହ ଏବଂ ୨୪ ଘଣ୍ଟିଆ ସହଯୋଗ ଦରକାର। ଏଥିପାଇଁ ପରିବାର ବଙ୍ଗଳା ଖାଲି କରିବା ପ୍ରକ୍ରିୟା ଆରମ୍ଭ କରିଛି ଏବଂ କିଛି ସାମଗ୍ରୀ ନୂତନ ଘରକୁ ସ୍ଥାନାନ୍ତର କରାଯାଇଛି। ଅନେକ ଲୋକ ଏହି ବିଳମ୍ବ ଉପରେ ସମାଲୋଚନା କରିଥିଲେ ବେଳେ, ଡିୱାଇ ଚନ୍ଦ୍ରଚୂଡ଼ ଏହାକୁ ବିଳାସ ବୋଲି ନୁହେଁ, ବରଂ ଏକ ଆବଶ୍ୟକତା ବୋଲି ସ୍ପଷ୍ଟ କରିଛନ୍ତି। ସେ ଜଣାଇଛନ୍ତି ଯେ ତାଙ୍କ ବଡ଼ ଝିଅ ୨୦୨୧ରେ ୪୪ ଦିନ ICU ରେ ଥିଲେ ଏବଂ ବର୍ତ୍ତମାନ ଟ୍ରାକିଓଷ୍ଟୋମି ଟ୍ୟୁବ ଆବଶ୍ୟକ। ସେ ଏହି ସ୍ଥିତିକୁ “ବିଳାସପୂର୍ଣ୍ଣ” ବୋଲି ବ୍ୟାଖ୍ୟା କରାଯାଇପାରିବ ନାହିଁ ବୋଲି କହିଛନ୍ତି। ସେ କହିଛନ୍ତି ଯେ ତାଙ୍କ ପୂର୍ବବର୍ତ୍ତୀ ବିଚାରପତିମାନେ ମଧ୍ୟ ଅବସର ପରେ ସରକାରୀ ଘରରେ ରହିଥିଲେ, ଯାହା ସାଧାରଣ ନିୟମ ଅନୁଯାୟୀ। ନିୟମ 3B ଅନୁଯାୟୀ ଅବସର ପରେ ଛଅ ମାସ ପର୍ଯ୍ୟନ୍ତ ଏକ୍ସଟେନ୍ସନ ମିଳିଥାଏ, ଯାହା ତାଙ୍କ ପାଇଁ ବି ଦିଆଯାଇଥିଲା।
