ନୂଆଦିଲ୍ଲୀ ୦୯/ଜୁଲାଇ : ଆଜି ସାରା ଦେଶରେ “ଭାରତ ବନ୍ଦ” ଡାକରା ଦିଆଯାଇଛି ଓ ତାହାର ପ୍ରଭାବ ଓଡିଶା, କେରଳ, ଚେନ୍ନାଇ, ପଶ୍ଚିମ ବଙ୍ଗ ଭଳି ଅନେକ ରାଜ୍ୟରେ ଦେଖିବାକୁ ମିଳିଛି। ଅଲ୍ ଇଣ୍ଡିଆ ଟ୍ରେଡ୍ ୟୁନିଅନ ବିଭିନ୍ନ ଦାବି ନେଇ ଏହି ଧର୍ମଘଟ ଓ ବନ୍ଦ ଡାକିଛନ୍ତି। ସେମାନଙ୍କ ମୁଖ୍ୟ ଦାବି ମାନେ ହେଉଛି, ଶ୍ରମ ନୀତିରେ ପରିବର୍ତ୍ତନ, ବେକାରି ବୃଦ୍ଧି, ନିଯୁକ୍ତି ସୃଷ୍ଟି, ମନରେଗା ମଜୁରୀ ବୃଦ୍ଧି, ଓ ସରକାରୀ ଖାଲି ପଦବୀ ପୂରଣ ଇତ୍ୟାଦି। ସେମାନେ କହିଛନ୍ତି କେନ୍ଦ୍ର ସରକାରର ନୀତି ଶ୍ରମିକ ଓ ଚାଷୀ ବିରୋଧୀ ଏବଂ କର୍ପୋରେଟ୍ ସମର୍ଥକ। ଏହି ବନ୍ଦ ସମୟରେ ଅନେକ ସ୍ଥାନରେ ରାସ୍ତା ଅବରୋଧ, ବସ୍ ଅଟକ, ଦୋକାନ ବନ୍ଦ ଓ ନାରାବାଜି ହୋଇଛି । ସ୍କୁଲ, କଲେଜ ଓ ବେସରକାରୀ ଅଫିସ ଚାଲୁ ରହିଛି, କିନ୍ତୁ ବ୍ୟାଙ୍କ ଓ ଡାକଘର ଅଂଶିକ ଭାବେ ବନ୍ଦ ଅଛି। ବିଦ୍ୟୁତ ସେବା ଉପରେ ପ୍ରଭାବ ପଡ଼ିପାରେ, କାରଣ ୨୭ ଲକ୍ଷ କର୍ମଚାରୀ ଧର୍ମଘଟରେ ଯୋଗ ଦେଇଛନ୍ତି। ଟ୍ରେନ ଚଳାଚଳ ଅଧିକାଂଶ ସ୍ଥାନରେ ସାଧାରଣ ରହିଛି, କିଛି ରୁଟରେ ବିଳମ୍ବ ହେବାର ଆଶଙ୍କା ଅଛି। ଯାତ୍ରୀମାନେ ତାଙ୍କର ଯାତ୍ରାର ପୂର୍ବରୁ ରୁଟ ଅବସ୍ଥା ଯାଞ୍ଚ କରିବାକୁ ପରାମର୍ଶ ଦିଆଯାଇଛି। ଏହି ବନ୍ଦ ଦ୍ୱାରା ଏକ ବୃହତ୍ ମାନବ ବନ୍ଧୁ ନୀତି ଗଠନ ପାଇଁ ଦାବି ଉଠିଛି।
