ଭୁବନେଶ୍ୱର ୧୯/ଅଗଷ୍ଟ : ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ଆଜି ତାଙ୍କ ସରକାରୀ ବାସଭବନରେ ଜନସାଧାରଣଙ୍କ ଅଭିଯୋଗ ଶୁଣିଛନ୍ତି। ରାଜ୍ୟର ବିଭିନ୍ନ ସ୍ଥାନରୁ ଆସିଥିବା ଲୋକମାନେ ସେମାନଙ୍କର ସମସ୍ୟା ଏବଂ ଅଭିଯୋଗ ଉପସ୍ଥାପନ କରିଛନ୍ତି। ଉପମୁଖ୍ୟମନ୍ତ୍ରୀ ସମସ୍ତ ଅଭିଯୋଗକୁ ଧ୍ୟାନର ସହିତ ଶୁଣିଛନ୍ତି ଏବଂ ସମ୍ପୃକ୍ତ ବିଭାଗର ଅଧିକାରୀମାନଙ୍କୁ ଆବଶ୍ୟକୀୟ ନିର୍ଦ୍ଦେଶ ଦେଇଛନ୍ତି। ସେ କହିଛନ୍ତି ଯେ ଏହି ଅଭିଯୋଗ ଶୁଣାଣି ମାଧ୍ୟମରେ ସରକାର ଭୂମି ସ୍ତରରେ ସମସ୍ୟାଗୁଡ଼ିକୁ ଶୀଘ୍ର ଚିହ୍ନଟ କରିପାରିବେ। ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା କହିଛନ୍ତି ଯେ ଜନସାଧାରଣଙ୍କ ଅଭିଯୋଗ ସାଧାରଣ ଆବେଦନ ନୁହେଁ ବରଂ ସେମାନଙ୍କ ଦୁର୍ଦ୍ଦଶାର ଏକ ପ୍ରକୃତ ଚିତ୍ର। ଏପରି କାର୍ଯ୍ୟକ୍ରମ ମାଧ୍ୟମରେ ସରକାର ଜନସାଧାରଣଙ୍କ ସେବା ଏବଂ ଲୋକଙ୍କ ପାଇଁ ନ୍ୟାୟ ପ୍ରଦାନ ଦିଗରେ ଦୃଢ଼ ପଦକ୍ଷେପ ନେଉଛନ୍ତି। ସେ କହିଛନ୍ତି ଯେ ଏହା ଜନସମ୍ପର୍କ ଏବଂ ଉତ୍ତରଦାୟୀ ଶାସନ ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।
