On the second day of his visit to Japan, Prime Minister focuses on fashion, technology, investment and bilateral cooperation.

ଟୋକିଓ ୩୦/ଅଗଷ୍ଟ : ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜାପାନ ଗସ୍ତର ଦ୍ୱିତୀୟ ଦିନ। ଏହି ସମୟରେ ସେ ଜାପାନର ୧୬ ଟି ପ୍ରଦେଶର ରାଜ୍ୟପାଳମାନଙ୍କୁ ଭେଟି ପ୍ରଯୁକ୍ତିବିଦ୍ୟା, ନିବେଶ, ଦକ୍ଷତା, ଷ୍ଟାର୍ଟଅପ୍ ଭଳି ବିଭିନ୍ନ ଦିଗ ଉପରେ ଆଲୋଚନା କରିଥିଲେ। ପ୍ରଧାନମନ୍ତ୍ରୀ ମୋଦୀ ଜାପାନ ପ୍ରଧାନମନ୍ତ୍ରୀ ଶିଗେରୁ ଇଶିବାଙ୍କ ସହିତ ବୁଲେଟ୍ ଟ୍ରେନରେ ଯାତ୍ରା ମଧ୍ୟ କରିଥିଲେ ଏବଂ ଭାରତୀୟ ଟ୍ରେନ ପାଇଲଟମାନଙ୍କୁ ଭେଟିଥିଲେ। ଜାପାନ ପ୍ରଧାନମନ୍ତ୍ରୀ ତାଙ୍କ ସମ୍ମାନରେ ଏକ ମଧ୍ୟାହ୍ନ ଭୋଜନ ଆୟୋଜନ କରିଥିଲେ, ଯାହା ପରେ ଉଭୟ ନେତା ଟୋକିଓ ଇଲେକ୍ଟ୍ରୋନ୍ ଫ୍ୟାକ୍ଟ୍ରି ପରିଦର୍ଶନ କରିଥିଲେ। ପ୍ରଧାନମନ୍ତ୍ରୀ ମୋଦୀ ଭାରତ-ଜାପାନ ଅର୍ଥନୈତିକ ଫୋରମରେ ‘ମେକ୍ ଇନ୍ ଇଣ୍ଡିଆ, ମେକ୍ ଫର୍ ଦି ୱାର୍ଲ୍ଡ’ର ଶକ୍ତି ଉପରେ ଗୁରୁତ୍ୱାରୋପ କରିଥିଲେ। ସେ କହିଛନ୍ତି ଯେ ଯଦି ଜାପାନର ପ୍ରଯୁକ୍ତିବିଦ୍ୟା ଏବଂ ଭାରତର ପ୍ରତିଭା ଏକାଠି ହୁଅନ୍ତି, ତେବେ ଏହା କେବଳ ଦୁଇ ଦେଶ ମଧ୍ୟରେ ନୁହେଁ ବରଂ ବିଶ୍ୱ ସ୍ତରରେ ମଧ୍ୟ ଅନେକ କିଛି ପରିବର୍ତ୍ତନ କରିପାରିବ। ଭାରତ ଏବଂ ଜାପାନ ମଧ୍ୟରେ ଆର୍ଥିକ ସୁରକ୍ଷା, ୫ ଲକ୍ଷ ଲୋକଙ୍କ ପ୍ରତିଭା ବିନିମୟ, ରାଜ୍ୟ ସ୍ତରରେ ସହଭାଗୀତା, ଜାପାନୀ ଭାଷା ଶିକ୍ଷାଦାନ ଏବଂ ଭାରତୀୟ ଯୁବକମାନଙ୍କୁ ଜାପାନୀ ଶିଳ୍ପ ପାଇଁ ପ୍ରସ୍ତୁତ କରିବା ବିଷୟରେ ମଧ୍ୟ ଆଲୋଚନା ହୋଇଥିଲା। ଏହା ବ୍ୟତୀତ, ଅପଚୟ ଜଳ ପରିଚାଳନା, ମହାକାଶ, ଜାହାଜ ନିର୍ମାଣ ଏବଂ ପ୍ରତିରକ୍ଷା ପ୍ରଯୁକ୍ତିବିଦ୍ୟା ଭଳି କ୍ଷେତ୍ରରେ ଜାପାନର ପ୍ରଯୁକ୍ତିବିଦ୍ୟା ଭାରତରେ ଆଣିବା ଉପରେ ମଧ୍ୟ ଆଲୋଚନା ହୋଇଥିଲା। ପ୍ରଧାନମନ୍ତ୍ରୀ ମୋଦୀ ଅପରାହ୍ନରେ ଚୀନର ତିଆନଜିନ୍ ଯିବେ।