Afghanistan in shock: Horrific destruction wreaked havoc, causing casualties and destruction

ନୂଆଦିଲ୍ଲୀ ୦୨/ ସେପ୍ଟେମ୍ବର : ଭୁକମ୍ପରେ ଥରିଲା ଆଫଗାନିସ୍ତାନ, ଆଫଗାନିସ୍ତାନ ସହ ଭାରତର ଦିଲ୍ଲୀ ଏନସିଅର ଏବଂ କିଛି ସ୍ଥାନରେ ଭୂକମ୍ପର ଝଟକା ଅନୁଭୂତ ହଇଛି । ତେବେ ରିପୋର୍ଟ ଅନୁଯାୟୀ, ରବିବାର ଦିନ ୬.୩ ତୀବ୍ରତାର ଏକ ଶକ୍ତିଶାଳୀ ଭୂମିକମ୍ପ ହୋଇଥିଲା, ଯାହା ଫଳରେ ୮୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିଲା ଏବଂ ପ୍ରାୟ ୨,୫୦୦ ଆହତ ହୋଇଥିଲେ। ଅଧିକାଂଶ ମୃତାହତ କୁନାର ପ୍ରଦେଶରେ ହୋଇଥିବା ରିପୋର୍ଟ କରାଯାଇଛି। ଆମେରିକାର ଭୂତତ୍ତ୍ୱ ସର୍ଭେ ଅନୁଯାୟୀ, ସକାଳ ପ୍ରାୟ ୧୧:୪୭ ରେ ଆସିଥିବା ଏହି ଭୂମିକମ୍ପ ନାଙ୍ଗରହାର ପ୍ରଦେଶର ଜଲାଲାବାଦ ସହରରୁ ୨୭ କିଲୋମିଟର (୧୭ ମାଇଲ) ପୂର୍ବ-ଉତ୍ତରପୂର୍ବରେ କେନ୍ଦ୍ରିତ ଥିଲା। ପ୍ରଥମ ଭୂମିକମ୍ପ ୬.୦ ତୀବ୍ରତା ବିଶିଷ୍ଟ ଥିଲା ଏବଂ କ୍ରମାଗତ ଭାବରେ ଆଉ ଚାରୋଟି ଭୂମିକମ୍ପ ଅନୁଭୂତ ହୋଇଥିଲା, ଯାହାର ତୀବ୍ରତା ୪.୭, ୪.୪, ୫.୦ ଏବଂ ୫.୦ ଥିଲା। ବାରମ୍ବାର ତୀବ୍ର ଝଟକାରେ ଆଫଗାନିସ୍ତାନର କୁନାର ପ୍ରଦେଶର ତିନୋଟି ଗ୍ରାମ ସମ୍ପୂର୍ଣ ଧୂଳିସାତ ହୋଇଯାଇଥିଲା । “ସେଠାରେ ଉଦ୍ଧାର କାର୍ଯ୍ୟ ଜାରି ରହିଛି, ଏବଂ ଅନେକ ଗ୍ରାମ ସମ୍ପୂର୍ଣ୍ଣ ଭାବରେ ନଷ୍ଟ ହୋଇଯାଇଛି। ସହିଦ ଏବଂ ଆହତଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି । କୁନାର, ନାଙ୍ଗରହାର ଏବଂ ରାଜଧାନୀ କାବୁଲରୁ ଡାକ୍ତରୀ ଦଳ ଅଞ୍ଚଳରେ ପହଞ୍ଚିଛନ୍ତି,” ଜନସ୍ୱାସ୍ଥ୍ୟ ମନ୍ତ୍ରଣାଳୟ ମୁଖପାତ୍ର ଶରାଫତ ଜମାନ କହିଛନ୍ତି। ଆଫଗାନିସ୍ତାନରେ ପ୍ରାୟତଃ ଭୟଙ୍କର ଭୂମିକମ୍ପ ଘଟୁଛି, ଗତ ଫେବୃଆରୀରେ ୪.୩ ତୀବ୍ରତାର ଭୂମିକମ୍ପ ହୋଇଥିଲା। ରଏଟର୍ସ ରିପୋର୍ଟ ଅନୁଯାୟୀ, ସେହି ବର୍ଷ ପୃଥକ ଭୂମିକମ୍ପରେ ୧୦୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିଲା। ଅଧିକାଂଶ ଆଫଗାନିସ୍ତାନ କମ୍ ଉଚ୍ଚତା ବିଶିଷ୍ଟ, ଝାଟିମାଟି ନିର୍ମିତ ଘରେ ରୁହନ୍ତି ଯାହା ଭୁଶୁଡ଼ି ପଡ଼ିବାର ସମ୍ଭାବନା ରହିଥାଏ।