ଭୁବନେଶ୍ୱର, NASA, ESA ଏବଂ ଅନ୍ୟାନ୍ୟ ମହାକାଶ ସଂସ୍ଥାଗୁଡ଼ିକ, ନିରନ୍ତର ସେମାନଙ୍କ ଉପରେ ନଜର ରଖନ୍ତି।ଆକାଶରେ ଚିକମିକ କରୁଥିବା ତାରା ଦେଖିଲେ ସମସ୍ତଙ୍କୁ ପ୍ରାୟ ଖୁସି ଲାଗେ। କିନ୍ତୁ ଯେତେବେଳେ ଏକ ବିଶାଳ ପଥର ପରି ବସ୍ତୁ ପୃଥିବୀ ଆଡକୁ ମାଡ଼ି ଆସୁଛି ଆପଣ ଜାଣିବେ। ତେବେ ଏହା ସମସ୍ତଙ୍କୁ ଅଶ୍ଚର୍ଯ୍ୟ କରିବା ସହ ଭୟଭୀତ କରାଇବ।ଏହି ସମୟରେ ସମାନ କିଛି ଘଟୁଛି 100 ଫୁଟ ଚଉଡା ଗ୍ରହାଣୁ 2025 QV9 ପୃଥିବୀ ଆଡକୁ ଗତି କରୁଛି। ତଥାପି, ବୈଜ୍ଞାନିକମାନେ ସ୍ପଷ୍ଟ କରିଛନ୍ତି ଯେ ଏହା କୌଣସି ପ୍ରକାରର ବିପଦ ସୃଷ୍ଟି କରିବ ନାହିଁ, ବରଂ ଏହାକୁ ବଡ଼ ସ୍ତରରେ ନଜର ରଖାଯାଇଛି।
ନାସା ନିଶ୍ଚିତ କରିଛି ଯେ ଗ୍ରହାଣୁ 2025 QV9 ପୃଥିବୀ ଆଡକୁ ଗତି କରୁଛି। ଏହି ମହାକାଶ ପଥର ପ୍ରାୟ 100 ଫୁଟ ଚଉଡା ଏବଂ ପ୍ରାୟ 10,319 ମାଇଲ ପ୍ରତି ଘଣ୍ଟା ବେଗରେ ମହାକାଶରେ ଯାତ୍ରା କରୁଛି। ଏହା ଶୁଣିବା ପରେ ଚିନ୍ତା କରିବା ସ୍ୱାଭାବିକ ହୋଇଥିଲେ ମଧ୍ୟ ବୈଜ୍ଞାନିକମାନେ କହିଛନ୍ତି ଯେ ବର୍ତ୍ତମାନ ପୃଥିବୀ ପ୍ରତି କୌଣସି ବିପଦ ନାହିଁ।
ଆଜି ପୃଥିବୀ ପାଖ ଦେଇ ୧୦୦ ଫୁଟ ଚଉଡାର ଗ୍ରହାଣୁ ୨୦୨୫ QV9 ଅତିକ୍ରମ କରିବ। ତଥାପି, ଏହାର ଦୂରତା ୧୨.୫ ଲକ୍ଷ ମାଇଲ ହେବ।ISRO ମୁଖ୍ୟ ଏସ. ସୋମନାଥ ସମ୍ପ୍ରତି କହିଛନ୍ତି ଯେ ଭାରତ ଆଗାମୀ ସମୟରେ ବଡ଼ ଗ୍ରହାଣୁ ଅଧ୍ୟୟନ କରିବାକୁ ମଧ୍ୟ ଯୋଜନା କରୁଛି। ଭାରତ 2029 ମସିହାରେ ଆସୁଥିବା ଗ୍ରହାଣୁ ଆପୋଫିସ୍ ଉପରେ ମଧ୍ୟ ନଜର ରଖିବ।
