ଭୁବନେଶ୍ୱର , ବଜେଟକୁ ଐତିହାସିକା କହିବା ସହ ମୋଦୀ କହିଛନ୍ତି ଯେ “ଦେଶରେ ସଂସ୍କାର ଏକ୍ସପ୍ରେସ୍ ଆରମ୍ଭ ହୋଇଛି। ପ୍ରଧାନମନ୍ତ୍ରୀ କହିଛନ୍ତି ଯେ, ଏହା ଏକ ଅନନ୍ୟ ବଜେଟ, ଯାହା ଆର୍ଥିକ ନିଅଣ୍ଟ ହ୍ରାସ କରିବା ଉପରେ ଫୋକସ କରିଛି। ଏହା ଉଚ୍ଚ ପୁଞ୍ଜିବିନିଯୋଗ ଏବଂ ଉଚ୍ଚ ଅଭିବୃଦ୍ଧିକୁ ମଧ୍ୟ ସମନ୍ୱୟ କରେ। ଏହା ଦେଶର ବିଶ୍ୱ ଭୂମିକାକୁ ପୁନଃଜୀବିତ କରିଥାଏ।ସେ କହିଛନ୍ତି ଯେ ବଜେଟ୍ ସଂସ୍କାରକୁ ନୂତନ ପ୍ରେରଣା ଦେବ। ଏହା ଦକ୍ଷତା, ପରିମାଣ ଏବଂ ସ୍ଥାୟୀତ୍ୱକୁ ସୁଦୃଢ଼ କରିବା ପାଇଁ ଏକ ପ୍ରୟାସ। ସବୁଠାରୁ ବଡ଼ ସମ୍ପତ୍ତି ହେଉଛି ନାଗରିକ, ଏବଂ ଆମେ ସେମାନଙ୍କ ଉପରେ ନିବେଶ କରିଛୁ।ବଜେଟ୍ ନିଯୁକ୍ତି ସୃଷ୍ଟିକୁ ବୃଦ୍ଧି କରିବ। ଆମ ଦେଶରେ ୧୦ କୋଟିରୁ ଅଧିକ ମହିଳା ସ୍ୱୟଂ ସହାୟକ ଗୋଷ୍ଠୀ ସହିତ ଜଡିତ। ବଜେଟ୍ ମହିଳାମାନଙ୍କ ଦ୍ୱାରା ନିର୍ମିତ ଏବଂ ପରିଚାଳିତ ଗୋଷ୍ଠୀଗୁଡ଼ିକର ଏକ ବ୍ୟବସ୍ଥା ସୃଷ୍ଟି କରିବା ଉପରେ ଧ୍ୟାନ ଦେଇଛି। ପ୍ରତ୍ୟେକ ଘରେ ଲକ୍ଷ୍ମୀ ପହଞ୍ଚିବା ନିଶ୍ଚିତ କରିବା ପାଇଁ ପ୍ରୟାସ କରାଯାଉଛି। ପ୍ରତ୍ୟେକ ଜିଲ୍ଲାରେ ବାଳିକା ଛାତ୍ରାବାସ ନିର୍ମାଣ କରାଯିବ।”ଆମ ସରକାର ଦୁଗ୍ଧ ଶିଳ୍ପକୁ ମଧ୍ୟ ପ୍ରାଥମିକତା ଦେଇଛି। ଏହି ବଜେଟରେ ନଡ଼ିଆ, କାଜୁ ଏବଂ କୋକୋ ଚାଷ କରୁଥିବା ଚାଷୀମାନଙ୍କୁ ପ୍ରାଥମିକତା ଦିଆଯାଇଛି। ଭାରତ ଭିସ୍ତାର ଆପ୍ କୃଷକମାନଙ୍କୁ ସେମାନଙ୍କ ଭାଷାରେ ସୂଚନା ପାଇବାକୁ ସହଜ କରିବ।ଅର୍ଥମନ୍ତ୍ରୀ ସଂସଦରେ କହିଥିଲେ ଯେ ଏହା ଏକ ଯୁବ-ଶକ୍ତି ବଜେଟ୍। ଅରେଞ୍ଜ ଅର୍ଥନୀତି, ପର୍ଯ୍ୟଟନ ଏବଂ ଖେଲୋ ଇଣ୍ଡିଆ ମିଶନ୍ ମାଧ୍ୟମରେ ଯୁବପିଢ଼ି ପାଇଁ ନୂତନ ସୁଯୋଗ ଖୋଲିବ। ଭାରତକୁ ଏକ ବିଶ୍ୱସ୍ତରୀୟ ଡାଟା ସେଣ୍ଟର ହବ୍ ହେବାରେ ସାହାଯ୍ୟ କରିବା ପାଇଁ ଗୁରୁତ୍ୱପୂର୍ଣ୍ଣ ଟିକସ ଛାଡ଼ ପ୍ରଦାନ କରାଯାଇଛି।
