ଭୁବନେଶ୍ୱର,୦୫/୦୩/୨୦୨୬ : ଓଡ଼ିଶାର 4ଟି ରାଜ୍ୟସଭା ଆସନ ପାଇଁ ନିର୍ବାଚନ ହେବ । ବରିଷ୍ଠ ରାଜନେତା ଦିଲ୍ଲୀପ ରାୟ ସ୍ୱାଧୀନ ପ୍ରାର୍ଥୀ ଭାବେ ରାଜ୍ୟସଭା ନିର୍ବାଚନ ଲଢିବେ । ବିଜୁ ବାବୁଙ୍କ ଜନ୍ମବାର୍ଷିକୀ ଭାବ ପ୍ରବଣ ହେଲେ ଦିଲିପ୍ ରାୟ । ରାଜ୍ୟସବା ପ୍ରାର୍ଥୀ ଭାବେ ନାମାଙ୍କନ ଭରିବା ଆଗରୁ ସେ ଭାବ ପ୍ରବଣ ହୋଇଛନ୍ତି । ନିଜ ସୋସିଆଲ ମିଡିଆ ଆକାଉଣ୍ଟରେ ଏକ ଫଟୋ ସହ ଲେଖା ଉପସ୍ଥାପନା କରିଛନ୍ତି ଦିଲିପ୍ । ଫଟୋରେ ବିଜୁବାବୁ ତାଙ୍କ ପତ୍ନୀ ଜ୍ଞାନ ପଟ୍ଟନାୟକଙ୍କ ସମେତ ଦିଲିପ୍ ହସଖୁସି କରୁଛନ୍ତି । ସେ ଲେଖିଛନ୍ତି ବିଜୁବାବୁ ମୋ ମେଣ୍ଟର ବା ଗୁରୁ । ମୋ ପାଇଁ 5 ମାର୍ଚ୍ଚ କେବେବି କ୍ୟାଲେଣ୍ଡରରେ କେବଳ ଏକ ତାରିଖ ହୋଇନାହିଁ ।
ଏହା ଏକ ଏପରି ଦିନ ଯାହା ମାର୍ଗଦର୍ଶନ କୃତଜ୍ଞତାର ଏକ ଅପୂର୍ବ ଭାବନାକୁ ଫେରାଇ ଆଣେ । ଏହି ଦିନ ମୁଁ ସେହି ଉଚ୍ଚ ବ୍ୟକ୍ତିତ୍ୱ ଏବଂ ପିତାଙ୍କ ପରି ବ୍ୟକ୍ତିତ୍ୱଙ୍କୁ ମନେ ପକାଏ ଯିଏ କେବଳ ଓଡ଼ିଶାର ଭାଗ୍ୟକୁ ନୁହେଁ ବରଂ ସାର୍ବଜନୀନ ଜୀବନରେ ମୋର ନିଜ ଯାତ୍ରାକୁ ମଧ୍ୟ ଗଢ଼ି ତୋଳିଥିଲେ । ଦଳୀୟ ସୀମା ଏବଂ ବିଚାରଧାରାରୁ ଉର୍ଦ୍ଧ୍ୱରେ ରହି ବିଜୁ ବାବୁ ଜଣେ ପ୍ରକୃତ ରାଜନେତା ଥିଲେ । ତାଙ୍କ ଜୀବନ ସାହସ ସ୍ୱାଭିମାନ ଏବଂ ନିର୍ଭୀକ ସେବାର ବାର୍ତ୍ତା ଥିଲା। ସେ ଏପରି ଏକ ଓଡ଼ିଶା ସ୍ୱପ୍ନ ଦେଖିଥିଲେ ଯାହା ଆତ୍ମବିଶ୍ୱାସ ମର୍ଯ୍ୟାଦା ଏବଂ ଗର୍ବର ସହିତ ଠିଆ ହେବ । ଏହା ମୋତେ ମନେ ପକାଇ ଦିଏ ଯେ ସାର୍ବଜନୀନ ଜୀବନ ପଦବୀ କ୍ଷମତା ବିଷୟରେ ନୁହେଁ ବରଂ ଦାୟିତ୍ୱ ବିଷୟରେ । ହାତ ଯୋଡ଼ି ମୁଁ ଓଡ଼ିଶାବାସୀଙ୍କ ଆଶୀର୍ବାଦ ଚାହୁଁଛି । ଏହି ପବିତ୍ର ଦିନରେ ମୁଁ ମୋର ଗୁରୁଙ୍କୁ ଶ୍ରଦ୍ଧାଞ୍ଜଳି ଜଣାଉଛି ।
ତାଙ୍କ ଦ୍ୱାରା କଳ୍ପନା କରାଯାଇଥିବା ଓଡ଼ିଶା ପାଇଁ ଅକ୍ଳାନ୍ତ ଭାବରେ କାମ କରିବା ପାଇଁ ମୋର ପ୍ରତିବଦ୍ଧତାକୁ ନବୀକରଣ କରୁଛି । ବିଜୁ ବାବୁଙ୍କ ପ୍ରତି ମୋର ଆନ୍ତରିକ ଶ୍ରଦ୍ଧାଞ୍ଜଳି। ବିଜୁ ବାବୁଙ୍କ ଜନ୍ମବାର୍ଷିକୀରେ ଭାରତୀୟ ଜନତା ପାର୍ଟିର ସମର୍ଥନରେ ସ୍ୱାଧୀନ ପ୍ରାର୍ଥୀ ଭାବରେ ରାଜ୍ୟସଭା ପାଇଁ ନାମାଙ୍କନ ଦାଖଲ କରିବା ସମୟରେ ମୋର ହୃଦୟ ଶବ୍ଦ ବାହାରେ ଭାବନାରେ ପରିପୂର୍ଣ୍ଣ । ଏନେଇ ସେ ସାମାଜିକ ଗଣମାଧ୍ୟମରେ ଏକ ପୋଷ୍ଟ କରି ସୂଚନା ଦେଇଛନ୍ତି ।
