ନୂଆଦିଲ୍ଲୀ,୧୮/୦୩/୨୦୨୬: ଇଣ୍ଡିଆନ ପ୍ରିମିୟର ଲିଗର (IPL) ର ୧୯ତମ ସିଜିନ ଆସନ୍ତା ମାର୍ଚ୍ଚ ୨୮ ତାରିଖରୁ ଆରମ୍ଭ ହେବାକୁ ଯାଉଛି | ଚଳିତ ବର୍ଷ ଉଦ୍ଘାଟନୀ ମ୍ୟାଚ୍ ବେଙ୍ଗାଳୁରୁର M. Chinnaswamy Stadium ଠାରେ Royal Challengers Bengaluru (RCB) ଏବଂ Sunrisers Hyderabad (SRH) ମଧ୍ୟରେ ଖେଳାଯିବ | ବୟସ, ଫିଟନେସ ଏବଂ ଦଳର ଆବଶ୍ୟକତାକୁ ଦୃଷ୍ଟିରେ ରଖି ଏହି ସିଜିନ କିଛି ବଡ଼ ଚେହେରାଙ୍କ ପାଇଁ ଶେଷ ହୋଇପାରେ |
ଆସନ୍ତୁ ଜାଣିବା ସେହି ୫ ଜଣ ଖେଳାଳିଙ୍କ ବିଷୟରେ:
୧. ମହେନ୍ଦ୍ର ସିଂ ଧୋନି (Mahendra Singh Dhoni)
Chennai Super Kings (CSK) ର ପୂର୍ବତନ ଅଧିନାୟକ ତଥା କ୍ରିକେଟ ଜଗତର ଜଣେ କିମ୍ବଦନ୍ତୀ ଖେଳାଳି | ଆସନ୍ତା ଜୁଲାଇ ମାସରେ ତାଙ୍କୁ ୪୫ ବର୍ଷ ବୟସ ହେବ | ଗତ କିଛି ସିଜିନ ହେବ ସେ ଆଣ୍ଠୁ ଜନିତ ସମସ୍ୟା (Knee Injury) ଦେଇ ଗତି କରୁଛନ୍ତି | ଯଦିଓ ଦଳର CEO କହିଛନ୍ତି ସେ ଖେଳିବେ, ତଥାପି ଏହା ତାଙ୍କର ଶେଷ ସିଜିନ ହୋଇପାରେ ବୋଲି ଫ୍ୟାନ୍ସମାନେ ଆଶଙ୍କା କରୁଛନ୍ତି |
୨. ସୁନୀଲ ନାରେନ (Sunil Narine )
Kolkata Knight Riders (KKR) ର ସବୁଠୁ ବିଶ୍ୱସ୍ତ ଖେଳାଳି ହେଉଛନ୍ତି ସୁନୀଲ ନାରେନ | IPL ରେ ୧୯୦ରୁ ଅଧିକ ୱିକେଟ୍ ନେବା ସହ ସେ ଜଣେ ବିସ୍ଫୋରକ ଓପନର ଭାବେ ବେଶ୍ ଜଣାଶୁଣା | ୩୮ ବର୍ଷୀୟ ନାରେନ ପୂର୍ବରୁ ଅନ୍ତର୍ଜାତୀୟ କ୍ରିକେଟରୁ ଅବସର ନେଇସାରିଛନ୍ତି, ତେଣୁ ୨୦୨୬ ତାଙ୍କ ପାଇଁ ଶେଷ IPL ସିଜିନ ହୋଇପାରେ |
୩. ଈଶାନ୍ତ ଶର୍ମା (Ishant Sharma)
ଭାରତୀୟ ଦ୍ରୁତ ବୋଲର ଈଶାନ୍ତ ଶର୍ମା ଏବେ Gujarat Titans (GT) ଦଳର ଅଂଶ | ସେ ନିଜ କ୍ୟାରିୟର ମଧ୍ୟରେ IPL ରେ ୭ଟି ଭିନ୍ନ ଭିନ୍ନ ଦଳ ପାଇଁ ଖେଳିଛନ୍ତି | ବର୍ତ୍ତମାନ ୩୭ ବର୍ଷ ବୟସରେ ପହଞ୍ଚିଥିବା ଈଶାନ୍ତ, ଯୁବ ଖେଳାଳିଙ୍କ ପ୍ରତିଯୋଗିତା ମଧ୍ୟରେ ଏହି ସିଜିନ ପରେ କ୍ରିକେଟକୁ ବିଦାୟ କହିପାରନ୍ତି |
୪.ଅଜିଙ୍କ୍ୟା ରାହାଣେ (Ajinkya Rahane)
IPL ରେ ୪୦୦୦ ରୁ ଅଧିକ ରନ୍ ସଂଗ୍ରହ କରିଥିବା ଅଜିଙ୍କ୍ୟ ରାହାଣେ ଜଣେ ଅତି ଶୃଙ୍ଖଳିତ ବ୍ୟାଟର | ଆସନ୍ତା ଜୁନ ମାସରେ ତାଙ୍କୁ ୩୮ ବର୍ଷ ବୟସ ହେବ | ବର୍ତ୍ତମାନର ଫର୍ମ ଏବଂ ଫିଟନେସକୁ ଦେଖିଲେ ତାଙ୍କ IPL କ୍ୟାରିୟର ପାଇଁ ଏହା ଶେଷ ସମୟ ହୋଇପାରେ |
୫. ମିଚେଲ ଷ୍ଟାର୍କ (Mitchell Starc)
ଅଷ୍ଟ୍ରେଲିୟ ଦ୍ରୁତ ବୋଲର ମିଚେଲ ଷ୍ଟାରକ ୨୦୨୬ ସିଜିନରେ Delhi Capitals (DC) ପାଇଁ ଖେଳିବେ | ୩୬ ବର୍ଷ ବୟସ ଏବଂ ବାରମ୍ବାର ଆହତ (Injury) ସମସ୍ୟା ଯୋଗୁଁ ସେ ନିଜର କାର୍ଯ୍ୟଭାର କମାଇବାକୁ ଚାହୁଁଛନ୍ତି | ସେ ପୂର୍ବରୁ T20 ଅନ୍ତର୍ଜାତୀୟରୁ ବିଦାୟ ନେଇସାରିଛନ୍ତି ଏବଂ ଏହି ସିଜିନ ପରେ IPL ରୁ ମଧ୍ୟ ବିଦାୟ ନେଇପାରନ୍ତି |
ଏହି ବରିଷ୍ଠ ଖେଳାଳିମାନଙ୍କ ବିଦାୟ IPL ଫ୍ୟାନ୍ସମାନଙ୍କ ପାଇଁ ଭାବପ୍ରବଣ ହେବ, କାରଣ ଏହି ଲିଗକୁ ଆଜିର ଶୀର୍ଷ ସ୍ଥାନରେ ପହଞ୍ଚାଇବାରେ ସେମାନଙ୍କର ପ୍ରମୁଖ ଭୂମିକା ରହିଛି |
