ଭୁବନେଶ୍ୱର ,ଗୁଜରାଟ ସରକାର ଘୋଷଣା କରିଛନ୍ତି ଯେ, ଗୁଜରାଟ ବିବାହ ପଞ୍ଜିକରଣ ଆଇନ ଅନୁଯାୟୀ ନିୟମ ସଂଶୋଧନ କରିବାକୁ ଯୋଜନା କରୁଛୁ।ସରକାର କହିଛନ୍ତି ଯେ ଏହି ପଦକ୍ଷେପ, ବର୍ତ୍ତମାନର ବ୍ୟବସ୍ଥାର ତ୍ରୁଟିକୁ ଦୂର କରିବା ପାଇଁ ଉଦ୍ଦିଷ୍ଟ।,ବିଧାନସଭାରେ, ଉପମୁଖ୍ୟମନ୍ତ୍ରୀ ହର୍ଷ ସାଂଘଭି ନୂତନ ନିୟମର ଆବଶ୍ୟକତା ଉପରେ ଗୁରୁତ୍ୱାରୋପ କରି କହିଥିଲେ ଯେ “ନିର୍ଦ୍ଦୋଷ ଝିଅମାନଙ୍କୁ ଫସାଯାଉଛି ଏବଂ ଏପରି ପ୍ରଥା ସମାଜରେ “ଉଇପୋକ ପରି” ବ୍ୟାପୁଛି।ଗୁଜରାଟରେ, ବିବାହ ଭଳି ନିଷ୍ପତ୍ତିରେ ଦମ୍ପତିମାନଙ୍କର, ଏଣିଜି ନିଜସ୍ୱ ମତ ରହିବ ନାହିଁ।ସେମାନେ ସେମାନଙ୍କ ପିତାମାତାଙ୍କ ଅନୁମତି ବିନା ବିବାହ, କରିପାରିବେ ନାହିଁ।ରାଜ୍ୟ ସରକାର ବିବାହ ପଞ୍ଜିକରଣ ନିୟମ ସଂଶୋଧନ କରିବାକୁ, ଯୋଜନା କରୁଛନ୍ତି। ଯେ ଅନେକ ବ୍ୟକ୍ତି ଏବଂ ସାମାଜିକ ସଂଗଠନମାନେ ସରକାରଙ୍କୁ ମ୍ୟାରେଜ ରେଜିଷ୍ଟ୍ରେସନ ନିୟମ ସଂଶୋଧନ କରିବାକୁ ନିବେଦନ କରିଛନ୍ତି। ଏହି ନିୟମରେ ହେଉଥିବା ଅପବ୍ୟବହାରକୁ ରୋକିବାକୁ କହିଛନ୍ତି । ସେ “ଲଭ୍ ଜିହାଦ”କୁ ଉଲ୍ଲେଖ କରି ସାଂଘଭି ଏହାକୁ ଏକ “ସାଂସ୍କୃତିକ ଆକ୍ରମଣ” ବୋଲି କହିଛନ୍ତି । ଏହାସହିତ ବିଜେପି ସରକାର ଆଉ ଏହି ପ୍ରସଙ୍ଗକୁ ଅଣଦେଖା କରିପାରିବେ ନାହିଁ ବୋଲି ମଧ୍ୟ କହିଛନ୍ତି। ସେ କହିଛନ୍ତି ଯେ ପଞ୍ଜିକରଣ ପ୍ରକ୍ରିୟାରେ ସୁରକ୍ଷା ବ୍ୟବସ୍ଥାକୁ ସୁଦୃଢ଼ କରିବା ପାଇଁ ପରିବର୍ତ୍ତନ ଗୁଡ଼ିକର ଲକ୍ଷ୍ୟ ରଖାଯାଇଛି।ପ୍ରତ୍ୟେକ ବିବାହ ପଞ୍ଜିକରଣ ଆବେଦନ ଜଣେ ସହାୟକ ନିବନ୍ଧକଙ୍କ ନିକଟରେ ଦାଖଲ କରିବାକୁ ପଡିବ, ଏବଂ ଆବେଦନକାରୀଙ୍କୁ ଏକ ଘୋଷଣାପତ୍ର ସଂଲଗ୍ନ କରିବାକୁ ପଡିବ ଯେଉଁଥିରେ ଦର୍ଶାଯିବ ଯେ ବର ଏବଂ କନ୍ୟା ସେମାନଙ୍କ ପିତାମାତାଙ୍କୁ ବିବାହ ବିଷୟରେ ଜଣାଇଛନ୍ତି କି ନାହିଁ।
