ଋଷିଆ ବିଶ୍ବର ଦ୍ୱିତୀୟ ବୃହତ୍ତମ ବାର୍ଲି ଉତ୍ପାଦନକାରୀ ଦେଶ ରହିଥିବା ବେଳେ ୟୁକ୍ରେନ ଚତୁର୍ଥ ସ୍ଥାନରେ ରହିଛି । ଯଦି ଯୁଦ୍ଧ ଅଧିକ ଦିନ ଧରି ଜାରି ରୁହେ ତେବେ ବାର୍ଲିର ମୂଲ୍ୟ ଅନ୍ତର୍ଜାତୀୟ ସ୍ତରରେ ବୃଦ୍ଧି ପାଇବ । ଯଦିଓ ଭାରତ ମଦ ଉତ୍ପାଦନ ପାଇଁ ବିଶ୍ୱ ଉପରେ ନିର୍ଭରଶୀଳ ନୁହେଁ ତଥାପି ବିଶ୍ୱରେ ମୂଲ୍ୟବୃଦ୍ଧି ଭାରତକୁ ପ୍ରଭାବିତ କରିବ । ଅନ୍ତର୍ଜାତୀୟ ଦର ବୃଦ୍ଧି ଦ୍ୱାରା ପ୍ରଭାବିତ ହୋଇ ଭାରତୀୟ ବଜାରରେ ଦରଦାମ ବଢିଯିବାର ସମ୍ଭାବନା ରହିଥିବା ବେଳେ ଏହି କାରଣରୁ ଦେଶରେ ବିୟର ମୂଲ୍ୟ ମଧ୍ୟ ବଢିବାର ସମ୍ଭାବନା ରହିଛି । ବର୍ତ୍ତମାନ ଚାଲି ରହିଥିବା ଯୁଦ୍ଧ ଅନ୍ତର୍ଜାତୀୟ ବଜାରରେ ବାର୍ଲି ଦରକୁ ପ୍ରଭାବିତ କରିବ ବୋଲି ବିରା-୯୧ ବିୟର ବ୍ରାଣ୍ଡର ସିଇଓ ଅଙ୍କୁର ଜୈନ ପ୍ରକାଶ କରିଛନ୍ତି । ତେବେ କମ ସମୟ ମଧ୍ୟରେ ଏହି ସମସ୍ୟାର ସମାଧାନ ହୋଇଯିବ ବୋଲି ଜୈନ କହିଛନ୍ତି । ତେବେ ବିଭିନ୍ନ କମ୍ପାନୀ ଏବଂ ରାଜ୍ୟ ସରକାରଙ୍କ ଦ୍ୱାରା ହିଁ ମୂଲ୍ୟବୃଦ୍ଧି ହେବ କି ନାହିଁ ନିର୍ଦ୍ଧାରଣ କରାଯିବ ବୋଲି ଜୈନ କହିଛନ୍ତି ।
