କିଭ() ଋଷର ସେନା ଦ୍ୱାରା ହୋଇଥିବା ଆକ୍ରମଣରେ ୟୁକ୍ରେନର ହୋଷ୍ଟୋମେଲର ମେୟର ନିହତ ହୋଇଛନ୍ତି । ତେବେ ଏହି ଭୟଙ୍କର ଗୁଳି ବିନିମୟରେ ମେୟର ପ୍ରାଣ ହରାଇଛନ୍ତି । ଋଷର ସୈନ୍ୟବାହିନୀ ହୋଷ୍ଟୋମେଲ ଉପରେ ଆକ୍ରମଣ କରିଥିଲେ । ଯେଉଁଥିରେ ହୋଷ୍ଟୋମେଲର ମେୟର ଜୀବନ ଚାଲିଯାଇଛି । ମେୟରଙ୍କ ମୃତ୍ୟୁ ପରେ ସହରରେ ଉତ୍ତେଜନା ଦେଖାଦେଇଛି ।
ୟୁକ୍ରେନ ଏବଂ ଋଷ ମଧ୍ୟରେ ଯୁଦ୍ଧ ଜାରି ରହିଛି :
ସୂଚନା ଥାଉକି, ମସ୍କୋ ଦ୍ୱାରା ସମର୍ଥିତ ପୂର୍ବ ଅଞ୍ଚଳରେ ଥିବା ଡୋନବାସରେ ଋଷର ସୈନ୍ୟଙ୍କ ସହ ୟୁକ୍ରେନ ସୈନ୍ୟମାନେ ଲଢେଇ କରୁଛନ୍ତି । ୟୁକ୍ରେନର ଡେପୁଟି ପ୍ରତିରକ୍ଷା ମନ୍ତ୍ରୀ ହାନ୍ନା ମାଲାୟାର କହିଛନ୍ତି ଯେ ଡୋନାବସର ଦୁଇଟି ବିଦ୍ରୋହୀ ସହରରେ ୟୁକ୍ରେନ ସୈନ୍ୟମାନେ ଯୁଦ୍ଧ କରୁଛନ୍ତି । ଯେଉଁଠାରେ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ଫେବୃଆରୀ ୨୪ରେ ସାମରିକ ଅପରେସନ୍ ଆରମ୍ଭ କରିଛନ୍ତି ।
କିଭ୍ ନିକଟରେ ଋଷର ସୈନ୍ୟ ଏକତ୍ରିତ :
ୟୁକ୍ରେନର ଜଣେ ବରିଷ୍ଠ ଅଧିକାରୀ ଦାବି କରିଛନ୍ତି ଯେ ଋଷ କିଭ୍ ନିକଟ ଗ୍ରାମ ଏବଂ ସହରରେ ବହୁ ସଂଖ୍ୟକ ସୈନ୍ୟ ସଂଗ୍ରହ କରିଛି । ଆଗାମୀ ଦିନରେ ଋଷର ସେନା କିଭକୁ ଦଖଲ କରିବ । ୟୁକ୍ରେନସ୍କା ପ୍ରଭଡା ରିପୋର୍ଟ କରିଛି ଯେ ୟୁକ୍ରେନର ଆଭ୍ୟନ୍ତରୀଣ ମନ୍ତ୍ରୀଙ୍କ ପରାମର୍ଶଦାତା ଭାଡିମ ଡେନିସେଙ୍କୋ ରବିବାର ରାତିରେ ରାଷ୍ଟ୍ରାୟତ୍ତ ୟୁକ୍ରେନ ଟିଭିକୁ କହିଛନ୍ତି ଯେ ଆସନ୍ତା କିଛି ଦିନ ମଧ୍ୟରେ ଏକ ମହତ୍ତ୍ୱପୂର୍ଣ୍ଣ ଲଢେଇ ହେବ ବୋଲି ଆଶା କରାଯାଉଛି।
