ଚଣ୍ଡିଖୋଲ() ଅସଲି ଦୋକାନରେ ଚାଲିଥିଲା ନକଲି ମଦ ପ୍ରସ୍ତୁତ । ଖବର ପାଇ ଚଢାଉ କଲା ଅବକାରୀ ବିଭାଗ । ଏହି ଚଢାଉରେ ଲକ୍ଷାଧିକ ଟଙ୍କାର ମଦ ଜବତ ହୋଇଛି । ଏହାସହିତ ଜଣଙ୍କୁ ଗିରଫ କରାଯାଇଛି । ଅବକରୀ ବିଭାଗ ପକ୍ଷରୁ ଉକ୍ତ ଦୋକାନକୁ ସିଲ୍ କରାଯାଇଛି ।
ଖବର ଅନୁଯାୟୀ, ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ବାଲୁକୁଦା ବଜାରର ଏକ ମଦ ଦୋକାନରେ ଦୀର୍ଘ ଦିନ ଧରି ନକଲି ମଦ ପ୍ରସ୍ତୁତ କରାଯାଇ ଅସଲି ବ୍ରାଣ୍ଡ ପକାଇ ବିକ୍ରି କରାଯାଉଥିଲା । ଏସଂପର୍କରେ ଖବର ପାଇ ଅବକାରୀ ବିଭାଗର ଏସ୍ପିଙ୍କ ନେତୃତ୍ୱରେ ଉକ୍ତ ମଦ ଦୋକାନରେ ପ୍ଲାଇଙ୍ଗ ସ୍ୱାର୍ଡ ପକ୍ଷରୁ ଚଢାଉ ହୋଇଥିଲା ।
ତେବେ ଏହି ଚଢାଉରେ ବିପୁଳ ପରିମାଣର ନକଲି ମଦ ସହିତ କେମିକାଲ ଓ ଅନ୍ୟ ସାମଗ୍ରୀ ମଧ୍ୟ ଜବତ ହୋଇଛି । ଯାହାର ମୁଲ୍ୟ ପ୍ରାୟ ୫ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି ।
