ନୂଆଦିଲ୍ଲୀ: ରାଜ୍ୟ ଉପରେ ଲଦି ହେବନି GST ବୋଝ । GSTକୁ ନେଇ ସୁପ୍ରିମକୋର୍ଟଙ୍କ ଗୁରୁତ୍ବପୂର୍ଣ୍ଣ ରାୟ । ଜିଏସଟି ଲାଗୁ କରିବା ନେଇ ଉଭୟ କେନ୍ଦ୍ର ଓ ରାଜ୍ୟ ସରକାର ନିଷ୍ପତ୍ତି ନେଇପାରିବେ ବୋଲି ସର୍ବୋଚ୍ଚ ନ୍ୟାୟାଳୟ କହିଛନ୍ତି । GST କାଉନସିଲ ନିଷ୍ପତ୍ତିକୁ ରାଜ୍ୟ ଉପରେ ନ ଲଦିବାକୁ ନିର୍ଦ୍ଦେଶ ଦେଇଛନ୍ତି ଜଷ୍ଟିସ ଡି ଓ୍ୱାଇ ଚନ୍ଦ୍ରଚୂଡ଼ଙ୍କ ବେଞ୍ଚ ।
ଜଷ୍ଟିସ ଚନ୍ଦ୍ରଚୂଡ଼ଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି ଜିଏସଟି ଆଇନକୁ ଉଭୟ କେନ୍ଦ୍ର ଓ ରାଜ୍ୟ ମିଳିତ ଭାବେ କରିପାରିବେ । କୋର୍ଟ କହିଛନ୍ତି ଏକ କାର୍ଯ୍ୟଦକ୍ଷତା ସମ୍ପନ୍ନ ପରିବେଶ ଲାଗି ଜିଏସଟି ପରିଷଦ ଉଦ୍ୟମ କରିବା ଆବଶ୍ୟକ । ଗୁଜରାଟ ହାଇକୋର୍ଟଙ୍କ ନିର୍ଦ୍ଦେଶ ବିରୋଧରେ ଆଗତ ଏକ ଆବେଦନର ଶୁଣାଣି କ୍ରମେ ସୁପ୍ରିମକୋର୍ଟ ଏହା କହିଛନ୍ତି । କେନ୍ଦ୍ର ଓ ରାଜ୍ୟ ମଧ୍ୟରେ ସୁସମ୍ପର୍କ ଭାରତୀୟ ସଂଘୀୟ ବ୍ୟବସ୍ଥାର ଏକ ପ୍ରତିଫଳନ ବୋଲି କହିଛନ୍ତି କୋର୍ଟ ।
