ନୂଆଦିଲ୍ଲୀ: ଟିମ୍ ଇଣ୍ଡିଆ ଦକ୍ଷିଣ ଆଫ୍ରିକା ବିପକ୍ଷରେ ଟି୨୦ ସିରିଜର ପ୍ରଥମ ମ୍ୟାଚରେ ପରାସ୍ତ ହୋଇଛି । ଦିଲ୍ଲୀରେ ଖେଳାଯାଇଥିବା ଏହି ମୁକାବିଲାରେ ଦକ୍ଷିଣ ଆଫ୍ରିକା ୭ ଓ୍ୱିକେଟରେ ଭାରତକୁ ପରାସ୍ତ କରିଛି । ଏହି ମ୍ୟାଚରେ ଭାରତୀୟ ଦଳର ଷ୍ଟାର୍ ବ୍ୟାଟର ଦିନେଶ କାର୍ତ୍ତିକ ୩ ବର୍ଷ ପରେ ଅନ୍ତରାଷ୍ଟ୍ରୀୟ ମ୍ୟାଚକୁ ଫେରିଥିଲେ ।
ମ୍ୟାଚରେ ଦିନେଶ କାର୍ତ୍ତିକ ଶେଷରେ ବ୍ୟାଟିଂ ପାଇଁ ଆସିଥିଲେ । ସେ କେବଳ ଦୁଇଟି ବଲ୍ ଖେଳି ଗୋଟିଏ ରନ୍ କରିଥିଲେ । ଭାରତୀୟ ପାଳିର ଶେଷ ଓଭରରେ ହାର୍ଦ୍ଦିକ ପାଣ୍ଡ୍ୟା ଦିନେଶ କାର୍ତ୍ତିକଙ୍କୁ ଷ୍ଟ୍ରାଇକ୍ ଦେଇନଥିଲେ । ଯାହାକୁ ନେଇ କ୍ରିକେଟ୍ ଫ୍ରଶଂସକ ଅସନ୍ତୋଷ ପ୍ରକାଶ କରିବା ସହ ପାଣ୍ଡ୍ୟାଙ୍କୁ ଟ୍ରୋଲ୍ କରିଛନ୍ତି । ଏହାସହ ହାର୍ଦ୍ଦିକ ସିନିୟର ଖେଳାଳିଙ୍କୁ ସମ୍ମାନ ଦେବା ଜରୁରୀ ବୋଲି ଫ୍ୟାନ୍ କହିଛନ୍ତି ।
Dinesh Karthik remember the name
Welcome back DK, you are inspiration for everyone, hard work always pays good result 💪💪✨#INDvsSA #DineshKarthik #INDvSA pic.twitter.com/gktIeU8Uva— Ashutosh Srivastava (@kingashu1008) June 9, 2022
ଶେଷ ଓଭରରେ ହେଲା କଣ
ଇନିଂସର ଶେଷ ଓଭରରେ ବୋଲିଂ କରିଥିଲେ ଏନରିକ୍ ନାର୍କିୟା । ଓଭରର ପଞ୍ଚମ ବଲରେ ହାର୍ଦ୍ଦିକ ଡିଫେଣ୍ଡ୍ କରିଥିଲେ । କାରଣ ବଲ୍ ୟର୍କର ଥିଲା । ସେ ସିଙ୍ଗଲ ରନ୍ ମଧ୍ୟ ନେଇ ନଥିଲେ । ସେହି ସମୟରେ ହାର୍ଦ୍ଦିକ ୧୧ ବଲରୁ ୨୯ ରନ୍ କରିଥିଲେ । କିନ୍ତୁ କାର୍ତ୍ତିକ କେବଳ ୨ଟି ବଲ୍ ଖେଳିଥିଲେ ।
Bad attitude by Hardik pandya for not giving strike to Dinesh karthik, doesn’t know how to respect senior.
Lol hitting on flat decks of 55m shorter long on boundary and consider himself oversmart, dream for him to finish game like DineshKarthik did in Nidhas trophy.#INDvsSA
— Johns. (@CricCrazyJ0hns) June 9, 2022
ସିନିୟର୍ସଙ୍କୁ ସମ୍ମାନ ଦେଲେନି ହାର୍ଦ୍ଦିକ
ଷ୍ଟ୍ରାଇତକ୍ ନଦେବା ପରେ ହାର୍ଦ୍ଦିକ ଶେଷ ବଲରେ କେବଳ ଦୁଇ ରନ୍ କରିଥିଲେ । ଏହି ବଲ ମଧ୍ୟ ୟର୍କର ଥିଲା । ଘଟଣା ପରେ ସୋସିଆଲ ମିଡିଆରେ ୟୁଜର ଲେଖିଛନ୍ତି ଯେ, ଏହା ହାର୍ଦ୍ଦିକଙ୍କ ଖରାପ ବ୍ୟବହାର । ସେ କାର୍ତ୍ତିକଙ୍କୁ ଷ୍ଟ୍ରାଇକ୍ ଦେଲେନାହିଁ । ହାର୍ଦ୍ଦିକ ବରିଷ୍ଠ ଖେଳାଳିଙ୍କୁ ସମ୍ମାନ ଦେବା ଜାଣନ୍ତି ନାହିଁ ।
ସୂଚନାଯୋଗ୍ୟ, ମୁକାବିଲାରେ ପ୍ରଥମେ ବ୍ୟାଟିଂ କରିଥିଲା ଭାରତ । ଦଳ ନିର୍ଦ୍ଧାରିତ ୨୦ ଓଭରରେ ବିଶାଳ ୨୧୧ ରନ୍ କରିଥିଲା । ଜବାବରେ ଦକ୍ଷିଣ ଆଫ୍ରିକା ୧୯.୧ ଓଭରରେ ମ୍ୟାଚ୍ ଜିତିନେଇଥିଲା ।
