ଭଦ୍ରକ: ସରିଲା ରଜ ମହୋତ୍ସବ । ୩ ଦିନ ଧରି ଧୂମ ଧାମରେ ପାଳିତ ହୋଇଛି ରଜ । ଭଦ୍ରକ ସହରର ଚରମ୍ପା ସ୍ଥିତ ଏରେଇଁ ପଞ୍ଚାୟତ ଠାରେ ଥାନପତି ଯୁବକ ସଙ୍ଘ ତରଫରୁ ରଜ ମହୋତ୍ସବ ପାଳିତ ହୋଇଛି । ଶେଷ ତଥା ଉଦଯାପନୀ ଦିବସରେ ଭଦ୍ରକ ବିଧାୟକ ସଞ୍ଜୀବ ମଲ୍ଲିକ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।
ସହରରେ ଏବେ ମଧ୍ୟ ରଜ ମହୋତ୍ସବ ପାଳନ କରୁଥିବାରୁ ଯୁବକ ସଙ୍ଘକୁ ଧନ୍ୟବାଦ ଦେଇଥିଲେ । ରଜ ମହୋତ୍ସବ ୩ଦିନ ଧରି ଆୟୋଜିତ ହୋଇଥିବା ବେଳେ ସାଂସ୍କୃତିକ କାର୍ଯ୍ୟକ୍ରମ ସହ ବିଭିନ୍ନ ପ୍ରତିଯୋଗିତା ଆୟୋଜିତ ହୋଇଥିଲା । ଶେଷ ଦିନରେ ବିଜୟୀ ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ ସହ, ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଛି ।
