ନୂଆଦିଲ୍ଲୀ: ଦେଶର ଅନେକ ରାଜ୍ୟରେ ‘ଅଗ୍ନିପଥ’ ଯୋଜନାକୁ ନିରନ୍ତର ବିରୋଧ କରାଯାଉଛି। ଏହି ସମୟରେ, ଜାତୀୟ ସୁରକ୍ଷା ପରିଷଦର ପରାମର୍ଶଦାତା ଅଜିତ ଡୋଭାଲ ଏ ସମ୍ପର୍କରେ ମତ ରଖିଛନ୍ତି। ଏହି ଯୋଜନା ଦେଶ ପାଇଁ ଅତ୍ୟନ୍ତ ଗୁରୁତ୍ବପୂର୍ଣ୍ଣ ବୋଲି ସେ କହିଛନ୍ତି। ଏଥିସହ ପରିସ୍ଥିତି ଅନୁଯାୟୀ ପରିବର୍ତ୍ତନ ଆବଶ୍ୟକ । ଏକ ସୁରକ୍ଷିତ ଭବିଷ୍ୟତ ପାଇଁ ପରିବର୍ତ୍ତନ ଆବଶ୍ୟକ ଏବଂ ଏଥିପାଇଁ ଆମକୁ ଏବେଠାରୁ ପ୍ରସ୍ତୁତ ହେବାକୁ ପଡିବ ବୋଲି ସେ କହିଛନ୍ତି।
ସେ ଆହୁରି କହିଛନ୍ତି, ବିଗତ ଦିନ ମାନଙ୍କରେ ଆମେ ଯାହା କରୁଥିଲୁ, ଯଦି ଭବିଷ୍ୟତରେ ସମାନ କାର୍ଯ୍ୟ ଜାରିରଖୁ, ତେବେ ଆମେ ନିରାପଦରେ ରହିବୁ। ଏହା ଏତେ ଜରୁରୀ ନୁହେଁ। ଆମକୁ ଆସନ୍ତାକାଲି ପାଇଁ ପ୍ରସ୍ତୁତ ହେବାକୁ ପଡିବ। ଏଥିପାଇଁ ଆମକୁ ପରିବର୍ତ୍ତନକୁ ସାମ୍ନା କରିବାକୁ ହେବ। ଭାରତରେ ଅଗ୍ନିପଥ ଯୋଜନାର ବହୁତ ଆବଶ୍ୟକ ରହିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରାଥମିକତା ହେଉଛି ଦେଶର ସୁରକ୍ଷା। ସମସ୍ତ ଯୁଦ୍ଧ ଏକ ବଡ ପରିବର୍ତ୍ତନ ଦେଇ ଗତି କରୁଛି। ଆମକୁ ଅଦୃଶ୍ୟ ଶତ୍ରୁଙ୍କ ବିରୋଧରେ ଲଢିବାକୁ ହେଲେ ଏହି ଯୋଜନାକୁ ସମର୍ଥନ କରିବାକୁ ହେବ।
ପ୍ରଧାନମନ୍ତ୍ରୀ ଆସନରେ ବସିବା ପରଠାରୁ ଦେଶର ସେନାକୁ ମଜବୁତ କରିବା ଓ ଦେଶକୁ ସୁରକ୍ଷିତ ରଖିବା ଉପରେ ମୋଦୀ ପ୍ରାଥମିକତା ଦେଇ ଆସୁଛନ୍ତି ବୋଲି ମଧ୍ୟ କହିଛନ୍ତି ଅଜିତ ଡୋଭାଲ୍।
