କ୍ୟାପିଟାଲ ହସ୍ପିଟାଲରେ ପିଜିଆଇ ନାମଲେଖା ପାଇଁ ଦୁଇଟି ବିଭାଗକୁ ନ୍ୟାସନାଲ ମେଡିକାଲ କମିସନ ଅନୁମୋଦନ କରିଛି। ଯାହାଦ୍ବାରା ଆସନ୍ତା ସେପ୍ଟେମ୍ବରରେ ହେବାକୁ ଥିବା କାଉନସେଲିଂରେ ନାମଲେଖା ହୋଇ ପାଠ ପଢାଯିବ ବୋଲି ଜଣାପଡିଛି । ଚଳିତ ବର୍ଷ ପ୍ରାଥମିକ ପର୍ଯ୍ୟାୟରେ ୬ଟି କ୍ଲିନିକାଲ ବିଭାଗରେ ପିଜିଆଇ ପାଠ୍ୟକ୍ରମ ନେଇ ଏନଏମ୍ସି ତଦାରଖ କରିଥିଲା । କିନ୍ତୁ ଦୁଇଟି ବିଭାଗକୁ ନାମଲେଖା ପାଇଁ ସବୁଜ ସଙ୍କେତ ମିଳିଛି । ଭେଷଜ ବିଭାଗରେ ୫ଟି ସିଟ ଓ ଅସ୍ଥିଶଲ୍ୟ ବିଭାଗରେ ୨ ସିଟ ପାଇଁ ନାମଲେଖା ହେବ। ଅନ୍ୟ ଚାରି ବିଭାଗ ଏମିତିକି ଶଲ୍ୟ, ସ୍ତ୍ରୀ ଓ ପ୍ରସୂତି ବିଭାଗ, ଶିଶୁ ବିଭାଗ ଏବଂ ଛାତି ବିଭାଗରେ ଆସନ୍ତା ସପ୍ତାହ ମଧ୍ୟରେ ଏନଏମ୍ସି ଅନୁମୋଦନ ଦେବ ବୋଲି ଚିକିତ୍ସାଳୟ କର୍ତ୍ତୃପକ୍ଷ ଆଶା ରଖିଛନ୍ତି ।
ସେହିପରି ପିଜିଆଇ ନିମନ୍ତେ ଏକ ସ୍ବତନ୍ତ୍ର ୱେବସାଇଟ କରାଯାଉଛି। ଯାହା ଖୁବଶୀଘ୍ର କାର୍ଯ୍ୟକାରୀ ହେବ। ଅନ୍ୟପକ୍ଷରେ ମୋଟ ୧୫ଟି ବିଭାଗରେ ଶିକ୍ଷାଦାନ ଦିଆଯିବ। ଯେଉଁଥିରେ ୧୧ କ୍ଲିନିକାଲ ଓ ୪ ନନ କ୍ଲିନିକାଲ ବିଭାଗକୁ ମନୋନୟନ କରାଯାଇଛି । ମୋଟ ୫୩ ଛାତ୍ରଛାତ୍ରୀ ପାଠ ପଢିବେ। ଏଥିପାଇଁ ସ୍ୱତନ୍ତ୍ର ଭାବେ ଛାତ୍ରାବାସ, ପାଠାଗାର ପ୍ରଶାସନିକ କାର୍ଯ୍ୟାଳୟ ରହିବ। ପିଜିଆଇରେ ମୋଟ ୧୫ ବିଭାଗରେ ୧୭୮ ପଦବୀ ରହିଛି । ଶିକ୍ଷାଦାନରେ ୧୨୦, ଅନ୍ୟ କାର୍ଯ୍ୟ ପାଇଁ ୫୦ ଏବଂ କାର୍ଯ୍ୟାଳୟ ପାଇଁ ୮ ଜଣଙ୍କୁ ନିଯୁକ୍ତି ମିଳିବ`।
