ଭୁବନେଶ୍ୱର: ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଏକ ଲମ୍ବା ଲାଞ୍ଜ ସହିତ ଏକ ଶିଶୁ କନ୍ୟା ଜନ୍ମ ହୋଇଛି । ଏହି ଲାଞ୍ଜର ଲମ୍ବ ପ୍ରାୟ ୬ ସେମି ଥିଲା । ଏପରିକି ଡାକ୍ତରମାନେ ପ୍ରଥମେ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ପରେ ଅସ୍ତ୍ରୋପଚାର ପରେ ଲାଞ୍ଜ ଶରୀରରୁ ଅଲଗା ହୋଇଯାଇଥିଲା । ଡାକ୍ତରଙ୍କ କହିବାନୁସାରେ, ଏହା ୧୦ ଲକ୍ଷ ଲୋକଙ୍କ ମଧ୍ୟରୁ କେବଳ ଜଣେ ହୋଇଥାଏ । ମେକ୍ସିକୋରୁ ଆସିଥିବା ଏହି ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଥିଲା ।
ଜର୍ନାଲ୍ ଅଫ୍ ପେଡିଆଟ୍ରିକ୍ ସର୍ଜରୀ ଅନୁଯାୟୀ, ଗର୍ଭଧାରଣ ସମୟରେ ଶିଶୁର ବିକିରଣ ଏକ୍ସପୋଜର କିମ୍ବା ସଂକ୍ରମଣର କୌଣସି ଇତିହାସ ନଥିଲା। ଶିଶୁର ପିତାମାତା ମଧ୍ୟ ସମ୍ପୂର୍ଣ୍ଣ ସୁସ୍ଥ ଥିଲେ। ଲାଞ୍ଜର ଲମ୍ବ ୫.୭ ସେମି ଥିଲା, ଏହା ମଧ୍ୟ ସିଲିଣ୍ଡ୍ରିକ୍ ଥିଲା,ଏହାର ବ୍ୟାସ ୩ ମିଲିମିଟରରୁ ୫ ମିମି ମଧ୍ୟରେ ଥିଲା ।
ବ୍ରିଟିଶ ଖବରକାଗଜ ଡେଲି ଷ୍ଟାର ଅନୁଯାୟୀ ଡାକ୍ତରମାନେ କହିଛନ୍ତି ଯେ ଲାଞ୍ଜଟି କେଶ ଏବଂ ଚର୍ମରେ ଆଚ୍ଛାଦିତ ହୋଇଥିଲା । ତା’ପରେ ଡାକ୍ତରମାନେ ଲମ୍ବୋସାକ୍ରାଲ୍ ଏକ୍ସ-ରେ କରିଥିଲେ। ପରେ, ଦୁଇମାସ ବୟସରେ ଶିଶୁଟିକୁ ଅସ୍ତ୍ରୋପଚାର ଦଳ ଦ୍ୱାରା ପୁନଃ ଯାଞ୍ଚ କରାଯାଇଥିଲା। ଚର୍ମର କ୍ଷତ ହେବାର କୌଣସି ପ୍ରମାଣ ନ ଥିବାରୁ ଲାଞ୍ଜକୁ କାଟିବାକୁ ନିଷ୍ପତ୍ତି ନେଇଥିଲେ । ପରେ ଶିଶୁକୁ ଡିସଚାର୍ଜ କରାଯାଇଥିଲା ଏବଂ ସେବେଠାରୁ କୌଣସି ଜଟିଳତା ଖବର ସାମ୍ନାକୁ ଆସିନାହିଁ।
