ଭୁବନେଶ୍ୱର: ଅପରାଧ ଏବଂ ହତ୍ୟା ଘଟଣାର ଅନେକ ଅପ୍ରତ୍ୟାଶିତ ଘଟଣା ସାମ୍ନାକୁ ଆସୁଛି, କିନ୍ତୁ ଥରେ ଭାବନ୍ତୁ ଯଦି ଜଣେ ବ୍ୟକ୍ତି କ୍ୟାମେରାରେ ଲାଇଭ୍ ଅଛନ୍ତି ଏବଂ ତାଙ୍କୁ ପଛରୁ ହତ୍ୟା କରାଯାଏ, ତେବେ ଏହା ବୋଧହୁଏ ଏକ ଚକିତକର ବିଷୟ ହୋଇପାରେ । ଏପରି ଏକ ମାମଲା ସାମ୍ନାକୁ ଆସିଛି ଯେତେବେଳେ ଫୁଡ ବ୍ଲଗର୍ କ୍ୟାମେରାରେ ଲାଇଭ୍ ଥାଇ ଖାଦ୍ୟ ସାମଗ୍ରୀ ବିଷୟରେ କିଛି କହୁଥିଲା, ଠିକ ସେତିକି ବେଳେ ତାଙ୍କୁ ହତ୍ୟା କରାଯାଇଥିଲା।
ବାସ୍ତବରେ, ଏହି ଘଟଣା ନେପାଳର ଏକ ଅଞ୍ଚଳରୁ ଆସିଛି । ଚାଇନାରେ ରହୁଥିବା ଏକ ଫୁଡ ବ୍ଲଗର୍ ଏକ ଭିଡିଓ ପ୍ରସ୍ତୁତ କରୁଥିଲେ । ମିଡିଆ ରିପୋର୍ଟ ଅନୁଯାୟୀ, ଫୁଡ ବ୍ଲଗରର ଗାନ୍ ସୋଜିଓନ୍ଗ ସୋସିଆଲ ମିଡିଆରେ ବେଶ୍ ପ୍ରସିଦ୍ଧ। ନେପାଳର କାଠମାଣ୍ଡୁରେ ସେ ବିଭିନ୍ନ ଖାଦ୍ୟ ଉପରେ ଭିଡିଓ କରୁଥିବାବେଳେ ଏହି ଘଟଣା ଘଟିଥିଲା । ଯାହାକୁ କେହି ଆଶା କରିନଥିଲେ ।
ବଜାର ମଝିରେ ଥିବା ଦୋକାନୀମାନଙ୍କ ସହ କଥାବାର୍ତ୍ତା ହେଉଥିଲେ ହଠାତ୍ ପଛରୁ ଏକ ଶବ୍ଦ ଶୁଣିବାକୁ ମିଳିଲା ଏବଂ ପରବର୍ତ୍ତୀ ମୁହୂର୍ତ୍ତରେ ସେ ତଳେ ପଡ଼ି ଯାଇଥିଲେ । ଖବର ଅନୁଯାୟୀ, ଛାତି ଏବଂ ପେଟକୁ ଏକ ତୀକ୍ଷ୍ଣ ଅସ୍ତ୍ରରେ ଆକ୍ରମଣ କରାଯାଇଥିଲା ଯେ ସେ ସଙ୍ଗେ ସଙ୍ଗେ ତଳେ ପଡ଼ିଯାଇଥିଲେ। ତାଙ୍କୁ ଶୀଘ୍ର ଡାକ୍ତରଖାନାରେ ଭର୍ତ୍ତି କରାଯାଇଥିଲା କିନ୍ତୁ ଡାକ୍ତର ତାଙ୍କୁ ବଞ୍ଚେଇପାରିନଥିଲେ ।
କୁହାଯାଉଛି ତାଙ୍କୁ ହତ୍ୟା କରିଥିବା ଅଭିଯୁକ୍ତଙ୍କ ନାମ ଫେଙ୍ଗ ଏବଂ ସେ ମଧ୍ୟ ଜଣେ ଫୁଡ ବ୍ଲଗର୍ । କୁହାଯାଉଛି ଯେ ଉଭୟ ନେପାଳର ଏବଂ ଉଭୟ ପରସ୍ପରର ପ୍ରତିଯୋଗୀ ଥିଲେ। ଗତ ସପ୍ତାହରେ ଏହି ଘଟଣା ଘଟିଥିଲା ଏବଂ ପୋଲିସ ଘଟଣାର ଅନୁସନ୍ଧାନ କରୁଛି।
