ମୋବାଇଲ୍ ନ୍ୟୁଜ୍ ବ୍ୟୁରୋ: ଆପଣ ଅନେକ ସମୟରେ ୭ ଷ୍ଟାର ହୋଟେଲ ବିଷୟରେ ଜାଣିଥିବେ । ସେଠାକାର ଫାସିଲିଟିଜ ବି ଆପଣଙ୍କୁ ଜଣାଥିବ। ହେଲେ ଦୁୁନିଆରେ ଏମମିତି ହୋଟେଲ ଅଛି ଯାହା ଫାଇଭଷ୍ଟାର କି ୭ ଷ୍ଟାର ହୋଟେଲ ନୁହେଁ । କିମ୍ବା ଏହି ହୋଟେଲ ଏତେ ବି ଫେମସ ନୁହେଁ । ସେଠାରେ ଆପଣ ତାରକା ହୋଟେଲ ଭଲି ଫାସିଲିଟିଜ ପାଇନପାରନ୍ତି ସତ ହେଲେ ସେଠାରେ ରହିବାର ଯେଉଁ ମଜା ତାହା ଆଉ କେଉଁ ହୋଟେଲରେ ବି ପାଇବେନି । ତେବେ କେଉଁଠି ଅଛି ସେହି ହୋଟେଲ ଆସନ୍ତୁ ଜାଣିବା ।
- ଗ୍ଲାସ ଇଗଲୁସ
ଗ୍ଲାସ ଇଗଲୁସ ଗୋଲ୍ଡେନ କ୍ରାଉନ ଫିନଲ୍ୟାଣ୍ଡ ସହର ଲେଭି ଠାରୁ ୧୦ କିମି ଦୂରରେ ଥିବା ଏହି ସୁନ୍ଦର ସ୍ଥାନରେ ରହିଛି । କହିବାକୁ ଗଲେ ଏଠାକା ତାପମାତ୍ର ଶୀତଦିନେ ମାଇନସ ୧୦ ଡିଗ୍ରୀ ସେଣ୍ଟିଗ୍ରେଟ ହେଇଥାଏ । ହେଲେ ଏଠାରେ ଥିବା ଗ୍ଲାସ ଇଗଲୁସର ଭିତର ସେଣ୍ଟ୍ରାଲ ହିଟେଡ ରହିଥାଏ । ଫଳରେ ଯେକୌଣସି ସମୟରେ ଭିତରର ତାପମାତ୍ରା କୁ ନିୟନ୍ତ୍ରରେ ରଖିଥାଏ । ଏହି ଗ୍ଲାସ ଇଗଲୁସ ନଥରନ ଲାଇଟ୍ସ ପାଇଁ ଅଧିକ ଫେମସ । କାରଣ ରାତିରେ ଶୋିବା ସମୟରେ ଖୋଲା ଆକାଶ ଆଖି ସାମ୍ନାରେ ରହିଥାଏ । ଯେଉଁଥିରେ ସୁନ୍ଦର ତାରା ସାଙ୍ଗକୁ ନଥରନ ନାଇଟସ ବି ଆକାଶକୁ ଆହୁରି ସୁନ୍ଦର କରିଦେଇଥାଏ । ଡବଲ ବେଡ, ସୌଚାଳୟ, ହିଟ ସାୱାର ଏବଂ କିଚେନ ସମେତ ବାହାରେ ଏକ ପ୍ରାଇଭେଟ ହିଟେଡ ପୁଲ ମଧ୍ୟ ରହିଥାଏ । ଏହି ଗ୍ଲାସ ଇଗଲୁସରେ କେବଳ ଗୋଟିଏ ରିତ୍ରି ଯାପନ ପାଇଁ ୧ ଲକ୍ଷ ୧୨ ହଜାର ଟଙ୍କା ଦେବାକୁ ପଡିଥାଏ ।
- କୋକୋପେଲିସ କେଭ ହୋଟେଲ
ମେସ୍କିକୋର ସହର ଫାର୍ମ ଇଣ୍ଟନ୍ସ ଠାରୁ ମାତ୍ର ୧୦ ମିନିଟ ଦୂରରେ ରହିଛି କୋକୋପେଲିସ କେଭ ହୋଟେଲ । ଦୂରରୁ ଦେଖିଲେ ଆପଣଙ୍କୁ ଏହା ଏକ ପାହାଡ ଭଳି ଦେଖାଯିବ । ହେଲେ ଏହା ଭିତରେ ଏକ ହୋଟେଲ ରହିଛି । ଯାହା ପାହାଡକୁ ଭିତରୁ କାଟିକାଟି ତିଆରି କରାଯାଇଛି । ହୋଟେଲର ବେଡ ରୁମରୁ ଆରମ୍ଭ କରି ବସିବା ସ୍ଥାନ ପର୍ଯ୍ୟନ୍ତ ସବୁକିଛି ପାହାଡକୁ କାଟି କାଟି କରାଯାଇଛି । ଏହି ହୋଟେଲ ଭିତରେ ଶୋଇବା ଘର, ଶୌଚ ଗୃହ, ବସିବା ସ୍ଥାନ ଏବଂ ରୋଷେଇ ଗୃହ ସବୁ କିଛି ରହିଛି । ପାହାଡ ବାହାରେ ତାପମାତ୍ରା ଯେତେବି ଥାଉ ନା କାହିଁକି ଭିତରର ତାପମାତ୍ରା ବର୍ଷ ସାରା ୨୦ ଡିଗ୍ରୀ ସେଣ୍ଟିଗ୍ରେଡ ରହିଥାଏ । ସେହିପରି ମାତ୍ରା ୨୬ଶହ ଟଙ୍କାରେ ଏହି ହୋଟେଲରେ ଗୋଟିଏ ରାତି ଆପଣ ରହିପାରିବେ ।
- ଡ୍ରୋମେନ ଆନ୍ ଜି
ନେଦରଲ୍ୟାଣ୍ଡର ସାହିସ ସମୁଦ୍ର ଉପରେ ଥିବା ଏହା ହେଉଛି ସବୁଠୁ ନିଆରା ହୋଟେଲ । ଏହି ଫଟୋରେ ଆପଣ ଦେଖୁଥିବା ଜାହାଜ, ଘର ଏବଂ ବସ ଏସବୁ ହୋଟେଲ ନୁହନ୍ତି ବରଂ ହୋଟେଲ ହେଉଛି ଏହି ଫଟୋରେ ଥିବା ସବୁଠୁ ବଡ କ୍ରେନ । ଜାହାଜକୁ ଉଠାଉଥିବା ଏହି ମଜଭୁତ କ୍ରେନ ହେଉଛି ନେଦରଲ୍ୟାଣ୍ଡ ସହରର ହାଲିଙ୍ଗନରେ ଥିବା ଡ୍ରୋମେନ ଆନ ଜି ନାମରେ ଜଣାଯାଏ । ଲିପ୍ଟ ସାହାଯ୍ୟରେ ଏହି କେବିନକୁ ଯିବା ମାତ୍ରେ ହିଁ ଆପଣ ଏକ ବିଳାସମୟ କୋଠରି ପାଇବେ । ଯାହାର ଝରକାରୁ ସମୁଦ୍ରର ସୁନ୍ଦର ଚିତ୍ର ଦେଖିବାକୁ ପାଇବେ । ଯଦି ଗୋଟେ ପାଖର ସୌନ୍ଦର୍ଯ୍ୟ ପସନ୍ଦ ନଆସେ ତେବେ ଆପଣ ଚାହିଁଲେ କ୍ରେନର ଦିଗ ବଦଳାଇ ପାରିବେ ।
- ବୋଇଙ୍ଗ ୭୨୭ ହୋଟେଲ
କୋଷ୍ଟାରିକାର ଘଞ୍ଚ ଜଙ୍ଗଲରେ ଥିବା ଏ ହେଉଛି ବୋଇଙ୍ଗ ୭୨୭ ହୋଟେଲ । ଏହା ପ୍ଲେନଟି ୧୯୬୫ ର ମଡେଲ । ଯାହାକୁ ଦ ୭୨୭ ଫୁ୍ୟଜଲାଜ ହୋମ ବି କୁହାଯାଏ । ଏହି ବିମାନର ବାହାର ଅଂଶ ବାସ୍ତବିକ ଥିବା ବେଳେ ଭିତରର ମଡେଲ କୁ ବଦଳା ଯାଇ ଏକ ଗେଷ୍ଟ ହାଉସ ତିଆରି କରାଯାଇଛି। ଏହି ଏରୋପ୍ଲେନ ଗେଷ୍ଟ ହାଉସରୁ ଜଙ୍କଲ ଏବଂ ସମୁଦ୍ରର ସୌନ୍ଦର୍ଯ୍ୟର ଭରପୁର ମଜା ଉଠେଇ ପାରିବେ । ଶୋଇବା ଘର, ସୌଚ ଗୃହ ସମେତ ଏହାରି ଭିତରେ ରୋଶେଇ ଘର ମଧ୍ୟ ରହିଛି । ଏଠାରୁ ନିଜ ମନ ପସନ୍ଦର ଖାଦ୍ୟ ସାମଗ୍ରୀ ନେଇ ଗ୍ୟାଲେରୀରେ ବସି ଆପଣ ଖାଇ ପାରିବେ। ଯଦି ଆପଣ ଏହି ଏରୋପ୍ଲେନ ଗେଷ୍ଟ ହାଉସରେ ଗୋଟିଏ ରାତି ରହିବାକୁ ଚାହୁଁଛନ୍ତି ତେବେ ଆପଣ ୩୦ ହଜାର ଟଙ୍କା ଖର୍ଚ୍ଚକରି ଏଠାରେ ରହିପାରିବେ।
