ନୂଆଦିଲ୍ଲୀ: ବରିଷ୍ଠ ସିପିଆଇଏମ ନେତା ସୀତାରାମ ୟେଚୁରୀଙ୍କ ପରଲୋକ ହୋଇଛି । ୭୨ ବର୍ଷ ବୟସରେ ଦିଲ୍ଲୀ ଏମ୍ସରେ ସେ ଶେଷ ନିଶ୍ବାସ ନେଇଛନ୍ତି । ବିଗତ କିଛି ଦିନ ହେଲା ସେ ସ୍ବାସ୍ଥ୍ୟଗତ ସମସ୍ୟା ନେଇ ଏମ୍ସରେ ଭର୍ତ୍ତି ହୋଇଥିଲେ । ଆଜି ଅର୍ଥାତ ଗୁରୁବାର ଦିଲ୍ଲୀ ଏମ୍ସରେ ନିମୋନିଆରେ ପୀଡିତ ହୋଇ ଚିକିତ୍ସାଧୀନ ଅବସ୍ଥାରେ ସେ ତାଙ୍କର ଶେଷ ନିଶ୍ବାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ବୟସ ହୋଇଥିଲା ।
ଗତ ୧୯ ତାରିଖରେ ତାଙ୍କୁ ଅତ୍ୟଧିକ ଜର ହେବାରୁ ସେ ଦିଲ୍ଲୀ ଏମ୍ସରେ ଜରୁରୀକାଳୀନ ଓ୍ବାର୍ଡରେ ଭର୍ତ୍ତି ହୋଇଥିଲେ । ପରେ ତାଙ୍କ ସ୍ଥିତି ଅଧିକ ବିଗିଡିବାରୁ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା । ଆହୁରି ମଧ୍ୟ ସେ ଫୁସଫୁସ ଜନିତ ରୋଗରେ ମଧ୍ୟ ପୀଡିତ ଥିଲେ । ତେବେ ଏହି ନିକଟ ଅତୀତରେ ତାଙ୍କର ମୋତିଆ ବିନ୍ଦୁର ମଧ୍ୟ ଅପରେସନ ହୋଇଥିଲା ।
ତେବେ ବରିଷ୍ଠ ନେତା ସୀତାରାମ ୟେଚୁରୀ ଭାରତୀୟ କମ୍ୟୁନିଷ୍ଟ ପାର୍ଟି(ସିପିଆଇଏମ୍)ର ମହାସଚିବ ଥିଲେ । ୧୯୯୨ରେ ସେ ପୋଲିତ ବ୍ୟୁରୋର ଅଧ୍ୟକ୍ଷ ମଧ୍ୟ ରହିଥିଲେ । ସେ ତାମିଲନାଡୁର ମାଡ୍ରାସ (ଚେନ୍ନାଇ) ରେ ୧୨ ଅଗଷ୍ଟ ୧୯୫୨ରେ ତେଲୁଗୁ ଭାଷାଭାଷୀ ବ୍ରାହ୍ମଣ ପରିବାରରେ ଜନ୍ମଗ୍ରହଣ କରିଥିଲେ। ସୀତାରାମ ୟେଚୁରୀଙ୍କ ପିତା ସର୍ବେଶ୍ୱର ସୋମାୟାଜୁଲା ୟେଚୁରୀ ଆନ୍ଧ୍ରପ୍ରଦେଶ ରାଜ୍ୟ ସଡକ ପରିବହନ ନିଗମର ଜଣେ ଇଞ୍ଜିନିୟର ଥିଲେ। ମାତା କଳ୍ପକମ ୟେଚୁରୀ ଜଣେ ସରକାରୀ କର୍ମଚାରୀ ଥିଲେ।
ପିଲାଦିନରୁ ସୀତାରାମ ୟେଚୁରୀ ମେଧାବୀ ଥିଲେ। ସେ ନୂଆଦିଲ୍ଲୀର ପ୍ରେସିଡେଣ୍ଟ ଇଷ୍ଟେଟ ସ୍କୁଲରେ ସେ ଆଡମିଶନ ନେଇଥିଲେ। ଯେଉଁଠାରେ ସେ କେନ୍ଦ୍ରୀୟ ମାଧ୍ୟମିକ ଶିକ୍ଷା ଉଚ୍ଚ ମାଧ୍ୟମିକ ପରୀକ୍ଷାରେ ଅଲ ଇଣ୍ଡିଆ ପ୍ରଥମ ମାନ୍ୟତା ପାଇଥିଲେ। ଏହା ପରେ ସେ ଦିଲ୍ଲୀ ବିଶ୍ୱବିଦ୍ୟାଳୟର ସେଣ୍ଟ ଷ୍ଟିଫେନ କଲେଜରେ ଆଡମିଶନ ନେଇଥିଲେ। ଯେଉଁଠାରେ ସେ ଅର୍ଥନୀତିରେ ବିଏ (ଅନର୍ସ) କରିଥିଲେ। ଏହା ପରେ ସେ ଜବାହରଲାଲ ନେହେରୁ ବିଶ୍ୱବିଦ୍ୟାଳୟରୁ ଅର୍ଥନୀତିରେ ମାଷ୍ଟର ଡିଗ୍ରୀ ହାସଲ କରିଥିଲେ।
ଜରୁରୀକାଳୀନ ସମୟରେ ଜେଏନୟୁରେ ଜଣେ ଛାତ୍ର ଥିବାବେଳେ ତାଙ୍କୁ ଗିରଫ କରାଯାଇଥିଲା । ରାଜ୍ୟ ସଭାରେ ଦିଆଯାଇଥିବା ତାଙ୍କ ଘୋଷଣାପତ୍ରରେ ସୀତାରାମ ୟେଚୁରୀ ତାଙ୍କର ମୋଟ ସମ୍ପତ୍ତି ୮୨ ଲକ୍ଷ ୭୧ହଜାର ଟଙ୍କା ବୋଲି ଘୋଷଣା କରିଥିଲେ। ଯେଉଁଥିରେ ତାଙ୍କ ପାଖରେ ୧୦ ହଜାର ଟଙ୍କା ନଗଦ ଏବଂ ତାଙ୍କ ପତ୍ନୀଙ୍କ ପାଖରେ ୧୫ହଜାର ଟଙ୍କା ଥିଲା। ଏଥି ସହିତ ୩୪ ଲକ୍ଷ ୧୪ ହଜାରରୁ ଅଧିକ ମୂଲ୍ୟର ସମ୍ପତ୍ତି ବ୍ୟାଙ୍କ ଆକାଉଣ୍ଟରେ ଫ୍ରିଜ ହୋଇଯାଇଥିଲା।
ଏହା ବ୍ୟତୀତ ସେ କମ୍ପାନୀଗୁଡିକରେ ବଣ୍ଡ, ଋଣ ଦେୟ ଏବଂ ସେୟାରରେ ୩ ଲକ୍ଷ ୫୬ ହଜାରରୁ ଅଧିକ ପୁଞ୍ଜି ବିନିଯୋଗ କରିଥିଲେ। ସେ ୨୦ ଲକ୍ଷ ଟଙ୍କା ମୂଲ୍ୟର ଏକ LIC ପଲିସି ଏବଂ ଅନ୍ୟାନ୍ୟ ବୀମା ପଲିସି ନେଇଥିଲେ । ସୂଚନାଯୋଗ୍ୟ, ସିପିଏମ ନେତା ସୀତାରାମ ୟେଚୁରୀଙ୍କର କୌଣସି କାର ନଥିଲାବେଳେ ତାଙ୍କର ମୋଟ ୫ଲକ୍ଷ ଟଙ୍କା ମୂଲ୍ୟର ଅଳଙ୍କାର ଥିଲା। ଏହିପରି ଭାବରେ ତାଙ୍କର ମୋଟ ସମ୍ପତ୍ତି ୬୨ ଲକ୍ଷ ୯୬ଟଙ୍କାରୁ ଅଧିକ ଥିଲା। ଏହା ବ୍ୟତୀତ ତାଙ୍କ ନାମରେ ୧୯ଲକ୍ଷ ୭୫ ହଜାର ଟଙ୍କାର ଜମି ମଧ୍ୟ ଅଛି।
ସୂଚନା ଅନୁସାରେ , ସୀତାରାମ ୟେଚୁରୀଙ୍କର୧୨ ଅଗଷ୍ଟ ୧୯୫୨ରେ ମାଡ୍ରାସ (ଚେନ୍ନାଇ)ରେ ଏକ ତେଲୁଗୁ ଭାଷୀ ବ୍ରାହ୍ମଣ ପରିବାରରେ ଜନ୍ମ ହୋଇଥିଲା। ତାଙ୍କର ପିତା ସର୍ବେଶ୍ୱର ସୋମୟାଜୁଲା ୟେଚୁରୀ ଆନ୍ଧ୍ର ପ୍ରଦେଶ ରାଜ୍ୟ ସଡ଼କ ପରିବହନ ନିଗମରେ ଇଞ୍ଜିନିୟର ଥିଲେ। ତାଙ୍କର ମାଆ କଳ୍ପକମ ୟେଚୁରୀ ଜଣେ ସରକାରୀ ଅଧିକାରୀ ଥିଲେ। ସୀତାରାମ ୟେଚୁରୀ ହାଇଦ୍ରାବାଦରେ ଛୋଟରୁ ବଡ଼ ହୋଇଥିଲେ ଏବଂ ୧୦ମ ଶ୍ରେଣୀ ଯାଏ ହାଇଦ୍ରାବାଦର ଅଲ୍ ସେଣ୍ଟସ ହାଇସ୍କୁଲରେ ପାଠ ପଢିଥିଲେ ।
ସୀତାରାମ ୟେଚୁରୀ ପ୍ରେସିଡେଣ୍ଟସ ଏଷ୍ଟେଟ୍ ସ୍କୁଲ,ନୂଆ ଦିଲ୍ଲୀରେ ନାମ ଲେଖାଇ ଥିଲେ ଏବଂ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ଉଚ୍ଚ ମାଧ୍ୟମିକ ପରୀକ୍ଷାରେ ଅଖିଳ ଭାରତୀୟ ପ୍ରଥମ ରାଙ୍କ ହାସଲ କରି ଥିଲେ। ଏହାପରେ ସେ ସେଣ୍ଟ ଷ୍ଟିଫେନ କଲେଜ , ଦିଲ୍ଲୀରୁ ଅର୍ଥଶାସ୍ତ୍ରରେ ବିଏ (ଅନର୍ସ) ପାଠ ପଢିଥିଲେ ଏବଂ ଏହାପରେ ଜବାହରଲାଲ ନେହେରୁ ବିଶ୍ୱବିଦ୍ୟାଳୟରୁ ଏମଏ ଅର୍ଥଶାସ୍ତ୍ର କରିଥିଲେ। ଏମର୍ଜେନ୍ସି ସମୟରେ ଜେ.ଏନ.ୟୁ ରେ ଛାତ୍ର ଥିବା ବେଳେ ତାଙ୍କୁ ଗିରଫ କରାଯାଇ ଥିଲା ।
