ନୂଆଦିଲ୍ଲୀ ୦୩/ଜୁଲାଇ : ସ୍ୱାଧୀନତା ଦିବସକୁ ଦୃଷ୍ଟିରେ ରଖି ଏଥର ସଂସଦର ମୌସୁମୀ ଅଧିବେଶନ ତାରିଖରେ ପରିବର୍ତ୍ତନ କରାଯାଇଛି। ସାଧାରଣତଃ ଏହି ଅଧିବେଶନ ଅଗଷ୍ଟ ୧୫ ପୂର୍ବରୁ ଶେଷ ହୋଇଯାଏ, କିନ୍ତୁ ଏଥର ତାହା ଅଗଷ୍ଟ ୨୧ ପର୍ଯ୍ୟନ୍ତ ବଢ଼ାଯିବ। ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ଏକ୍ସ (ପୂର୍ବତନ ଟ୍ୱିଟର) ମାଧ୍ୟମରେ ସୂଚନା ଦେଇଛନ୍ତି ଯେ ଜୁଲାଇ ୨୧ରୁ ଅଗଷ୍ଟ ୨୧ ପର୍ଯ୍ୟନ୍ତ ଲୋକସଭା ଓ ରାଜ୍ୟସଭାର ବୈଠକ ବସିବ। ସ୍ୱାଧୀନତା ଦିବସ ୧୫ ତାରିଖରୁ ଆଗରେ ୧୩ ଓ ୧୪ ତାରିଖରେ ବୈଠକ ବସିପାରିବା ନଥିବାରୁ ଏହି ପଦକ୍ଷେପ ଗ୍ରହଣ କରାଯାଇଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ନୂଆ ତାରିଖକୁ ମଞ୍ଜୁରୀ ଦେଇଛନ୍ତି। ଏଥର ସଂସଦ ଅଧିବେଶନରେ ଅନେକ ଗୁରୁତ୍ୱପୂର୍ଣ୍ଣ ବିଷୟ ଉଠିପାରେ। ପହଲଗାମ୍ ଆକ୍ରମଣ, ଅପରେସନ ସିନ୍ଦୂ, ଏୟାର ଇଣ୍ଡିଆ ବିମାନ ଦୁର୍ଘଟଣା, ଓ ଦିଲ୍ଲୀ ରାସ୍ତାରୁ ୬୨ ଲକ୍ଷ ପୁରୁଣା ଗାଡ଼ି ହଟାଇବା ମତୋ ମୁଖ୍ୟ ମୁଦ୍ଦାଗୁଡ଼ିକୁ ନେଇ ଗୃହ ମଧ୍ୟରେ ଚର୍ଚ୍ଚା ତେଜ ହେବ ବୋଲି ଅନୁମାନ କରାଯାଉଛି। ସେଥିପାଇଁ ଏଥର ଅଧିବେଶନ ସାଧାରଣ ତୁଳନାରେ ଅଧିକ ଉତ୍ତେଜନା ଭର୍ପୂର ଓ ଗୁରୁତ୍ୱପୂର୍ଣ୍ଣ ହେବ ବୋଲି ଦେଶବାସୀ ଅପେକ୍ଷା କରୁଛନ୍ତି।
