ଭୁବନେଶ୍ୱର ,ହିନ୍ଦୋଳର ସବ୍- ଟ୍ରେଜେରିର ପୂର୍ବତନ ବରିଷ୍ଟ କିରାଣୀ ମନୋଜରଞ୍ଜନ ସାହୁଙ୍କୁ ଭିଜିଲାନ୍ସ ଗିରଫ କରିଛି।
ଶୁକ୍ରବାର ବିଳମ୍ବିତ ରାତିରେ ବିଭିନ୍ନ ସ୍ଥାନରେ ଚଢ଼ାଉ କରି ଭିଜିଲାନ୍ସ ଟିମ୍ ତାଙ୍କୁ ଗିରଫ କରିଛି।
ସେ ଲୋକଙ୍କ ପେନସନ ଟଙ୍କା ହଡପ କରିନେଇଥିଲେ।ପ୍ରାୟ ୬୮ଲକ୍ଷ ୮୫ ହଜାର ଟଙ୍କା ଆତ୍ମସାତ ଅଭିଯୋଗରେ ତାଙ୍କୁ ଭିଜିଲାନ୍ସ ଗିରଫ କିରଛି।
ଲୋକଙ୍କ ଲକ୍ଷ ଲକ୍ଷ ଟଙ୍କା ନିଜ ଆକାଉଣ୍ଟ ଓ ନିଜ ସମ୍ପର୍କୀୟଙ୍କ ଆକାଉଣ୍ଟ ଟ୍ରାନ୍ସଫର କରିଥିବା ଅଭିଯୋଗ ଥିଲା। ସେ ଗତ ଦୁଇ ବର୍ଷ ହେଲା ଫେରାର ଥିଲେ।
କଟକ ଭିଜିଲାନ୍ସରେ ପକ୍ଷରୁ ମନୋଜରଞ୍ଜନ ସାହୁଙ୍କ ନାଁରେ ମାମଲା ରୁଜୁ କରାଯାଇ ଗିରଫ ପରେ ତାଙ୍କୁ ଢ଼େଙ୍କନାଲ ସ୍ବତନ୍ତ୍ର କୋର୍ଟରେ ହାଜର କରାଯାଇଛି।
ପୂରା ମାମଲାର ତଦନ୍ତ ଜାରି ରହିଛି।
