ଭୁବନେଶ୍ୱର : ଭିଜିଲାନ୍ସ ଜାଲରେ ସରକାରୀ ବାବୁ । ବାଲିଅନ୍ତା ବ୍ଲକ୍ କନିଷ୍ଠ ଯନ୍ତ୍ରୀ ସଂଘମିତ୍ର ପଟ୍ଟନାୟକ ଏବଂ ତାଙ୍କ ମଧ୍ୟସ୍ତି ବେଣୁଧର ପରିଡାଙ୍କୁ ଧରିଛି ଭିଜିଲାନ୍ସ । ଏକ ବିଲ୍ ପାସ୍ କରିବାକୁ ଜଣେ ଠିକାଦାରଙ୍କୁ ୧୦,୦୦୦ ଟଙ୍କା ଲାଞ୍ଚ ମାଗିଥିଲେ । ଧରାପଡିବା ଭୟରେ ମଧ୍ୟସ୍ଥି ଜରିଆରେ ଲାଞ୍ଚ ଦେବାକୁ କହିଥିଲେ। ଶେଷରେ ଭିଜିଲାନ୍ସ ହାତରେ ଉଭୟ ଧରାପଡିଛନ୍ତି ।
ଘଟଣାନୁସାରେ ୨୦୨୩ ମସିହାର ଏକ ବିଲ୍ ପାସ୍ କରାଇବା ପାଇଁ ଯଶୁଆପୁରର ଠିକାଦାର ରଶ୍ମୀ ରଞ୍ଜନ ମହାପାତ୍ରଙ୍କୁ ୧୦, ୦୦୦ ଟଙ୍କା ଲାଞ୍ଚ ମାଗିଥିଲେ । ଧରାପଡିବା ଭୟରେ ଜଣେ ସହଯୋଗୀଙ୍କ ଜରିଆରେ ଟଙ୍କା ଦେବାକୁ କହିଥିଲେ। ତେବେ ଅନ୍ୟ କୌଣସି ଉପାୟ ନ ପାଇ ଏନେଇ ଭିଜିଲାନ୍ସ ରେ ଜଣାଇଥିଲେ ଠିକାଦାର ରଶ୍ମୀ । ଏହା ପରେ ଭିଜିଲାନ୍ସ ଟିମ୍ ପୂର୍ବ ଯୋଜନା ମୁତାବକ ଛକି ବସିଥିବାବେଳେ କନିଷ୍ଠ ଯନ୍ତ୍ରୀଙ୍କ ବ୍ୟକ୍ତିଗତ ସହଯୋଗୀ ବେଣୁଧର ପରିଡା ଟଙ୍କା ନେଇଥିଲେ । ଏତିକିବେଳେ ମାଡି ବସିଥିଲା ଭିଜିଲାନ୍ସ ଟିମ୍ ।
ପରେ ଭିଜିଲାନ୍ସ ହାତରେ ଧରା ପଡିଥିଲେ ସଂଘମିତ୍ର । ଟଙ୍କା ଜବତ କରିବା ପରେ ଆୟ ବହିର୍ଭୁତ ସମ୍ପତ୍ତି ଥିବା ସନ୍ଦେହରେ ସଂଘମିତ୍ରଙ୍କ ବାସଭବନ ସମେତ ଦୁଇଟି ସ୍ଥାନରେ ଏକକାଳୀନ ଚଢାଉ କରିଥିଲା ଭିଜିଲାନ୍ସ ଟିମ୍ ।
