Breaking Newsଜାତୀୟରାଜନୀତି

ଦିଲ୍ଲୀରେ ପରାଜୟର ହ୍ୟାଟ୍ରିକ୍‌ ମାରିଲା କଂଗ୍ରେସ

ନୂଆଦିଲ୍ଲୀ : ଚାଲିଛି ଦିଲ୍ଲୀ ବିଧାନସଭାର ଭୋଟ ଗଣତି ପ୍ରକ୍ରିୟା। ବର୍ତ୍ତମାନ ଦିଲ୍ଲୀ ବିଧାନସଭାରେ ଦେଶର ସର୍ବପୁରାତନ ରାଜନୀତିକ ଦଳ କଂଗ୍ରେସ ହ୍ୟାଟ୍ରିକ ଶୂନ ବା ଜିରୋ ପାଇବାର ଆଶଙ୍କା ସୃଷ୍ଟି ହୋଇଛି। ପ୍ରଥମ କିଛି ରାଉଣ୍ଡର ଗଣତି ସୁଦ୍ଧା କଂଗ୍ରେସ ଦିଲ୍ଲୀର ୭୦ଟି ଆସନରୁ ମାତ୍ର ଗୋଟିଏ ଆସନରେ ଲିଡ କରୁଥିଲା। କିନ୍ତୁ ଏବେ ସେହି ଆସନରେ କଂଗ୍ରେସ ଏବେ ପଛରେ ପଡ଼ି ଯାଇଛି। କହିବାକୁ ଗଲେ ଚଳିତ ଦିଲ୍ଲୀ ବିଧାନସଭା ନିର୍ବାଚନରେ କଂଗ୍ରେସ ଗୋଟିଏ ବି ଆସନରେ ଖାତା ଖୋଲିବାରେ ସକ୍ଷମ ହୋଇନି । ଭୋଟିଂ ପରେ ଆସିଥିବା ଏକଜିଟ ପୋଲରେ ମଧ୍ୟ କଂଗ୍ରେସ ଦିଲ୍ଲୀରେ ଖାତା ଖୋଲି ପାରିବ ନାହିଁ ବୋଲି ପୂର୍ବରୁ ଆକଳନ କରାଯାଇଥିଲା।

୨୦୧୩ ପୂର୍ବରୁ କଂଗ୍ରେସ ଦିଲ୍ଲୀରେ ନିଜର ଦବଦବା ଜାରି ରଖିଥିଲା। ଦଳ କ୍ରମାଗତ ଭାବରେ ୩ ଥର ଦିଲ୍ଲୀ ଦଖଲ କରିଥିଲା। ୨୦୧୩ ରେ ଦଳ ମାତ୍ର ୮ଟି ଆସନ ଜିତିଥିଲା। କିନ୍ତୁ ୨୦୧୫ ଓ ୨୦୨୦ ଦିଲ୍ଲୀ ବିଧାନସଭା ନିର୍ବାଚନରେ କଂଗ୍ରେସ ଆଉ ଖାତା ଖୋଲି ପାରିନଥିଲା। ବର୍ତ୍ତମାନ ପୁଣି ସେଇ ପୁରୁଣା ରେକର୍ଡକୁ ଦୋହରାଇଛି କଂଗ୍ରେସ ।

Related Articles

Back to top button
WP Twitter Auto Publish Powered By : XYZScripts.com