
ଭୁବନେଶ୍ୱର: ରାଜ୍ୟ ରାଜନୀତିକୁ ନେଇ ବଡ଼ ବୟାନ ଦେଲେ ବିଧାୟକ । ଖୁବଶୀଘ୍ର ବିଜେପିରେ ମିଶିବେ ଆହୁରି ୨ ବିଜେଡି ସାଂସଦ । ଏନେଇ ଦାବି ବାଢିଛନ୍ତି ଅଶୋକ ମହାନ୍ତି । ବିଧାୟକଙ୍କ ଲିଷ୍ଟ ମୁତାବକ ଜଣେ ପୁରୁଖା ଓ ଜଣେ ନବାଗତଙ୍କ ନାଁ ରହିଛି । କେବଳ ସେତିକି ନୁହେଁ ରାଜ୍ୟସଭାରେ ବିଜେଡି ଶୂନ ହୋଇଯିବ ବୋଲି ବଡ଼ ଦାବି କରିଛନ୍ତି ଅଶୋକ ମହାନ୍ତି। ପୂର୍ବରୁ ମମତା ମହନ୍ତ ଓ ସୁଜିତ କୁମାର ବିଜେଡି ଛାଡି ବିଜେପିରେ ମିଶିଛନ୍ତି। ଏବେ ଅନ୍ୟ ବିଜେଡି ସାଂସଦ ବିଜେପିରେ ସାମିଲ ହେବେ ବୋଲି ଦାବି କରିଛନ୍ତି ବିଜେପି ବିଧାୟକ। ତେବେ କିଏ ସେହି ବିଧାୟକ ଏହାକୁ ନେଇ ଚର୍ଚ୍ଚା ଜୋର ଆରମ୍ଭ ହୋଇଯାଇଛି।
ସେପଟେ ଏହି ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ବିଜେଡିର ବରିଷ୍ଠ ନେତା ପ୍ରସନ୍ନ ଆଚାର୍ୟ୍ୟ । କହିଛନ୍ତି ବିଜେଡି କେବେ ବି ବିନା ଡେଣାରେ ଆକାଶରେ ଉଡିବାକୁ ବିଶ୍ୱାସ କରେ ନାହିଁ । ରାଜନୀତିରେ ବହୁତ ଚର୍ଚ୍ଚା ହୁଏ। ବହୁତ ବିତର୍କ ହୁଏ । ବହୁତ ଗଳ୍ପ ରଚନା ବା ସୃଷ୍ଟି କରାଯାଏ । ରାଜନୀତିରେ ଏହା ନୂଆ କଥା କିଛି ନୁହେଁ ।