ନୂଆଦିଲ୍ଲୀ() ସଙ୍ଗୀତ ଜଗତ ପାଇଁ ଆଜି ଏକ ଦୁଃଖଦ ଖବର । କିଛି ଦିନ ତଳେ ଭାରତର କୋକିଳା କଣ୍ଠୀ ଲତା ମଙ୍ଗେସକରଙ୍କ ଦେହାନ୍ତ ହୋଇଥିଲା । ଯାହାର ଦୁଃଖ ଲୋକଙ୍କ ମନରୁ ଅପସରି ନଥିବା ବେଳେ ଏବେ ଆଉ ଜଣଙ୍କ ମୃତ୍ୟୁ ହୋଇଛି । ସଙ୍ଗୀତ ନିର୍ଦ୍ଦେଶକ ତଥା ଗାୟକ ବାପି ଲାହିରିଙ୍କ ଦେହାନ୍ତ ହୋଇଛି । ମୁମ୍ବାଇ ସ୍ଥିତ ଏକ ହସ୍ପିଟାଲରେ ୬୯ ବର୍ଷ ବୟସରେ ତାଙ୍କର ପରଲୋକ ହୋଇଯାଇଛି । ତେବେ ଏଭଳି ଜଣେ ବିଶିଷ୍ଟ ସଙ୍ଗୀତକାରଙ୍କ ମୃତ୍ୟୁ ପରେ ଚାରିଆଡେ ଶୋକର ଛାୟା ଖେଳିଯାଇଛି । ନେତା , ଅଭିନେତାଙ୍କ ସମେତ ଅନେକ ଲୋକ ନିଜ ନିଜର ଭାବନା ପ୍ରକାଶ କରିଛନ୍ତି ।
Shri Bappi Lahiri was a matchless singer-composer. His songs found popularity not only in India but abroad. His diverse range included youthful as well as soulful melodies. His memorable songs will continue to delight listeners for long time. Condolences to his family and fans.
— President of India (@rashtrapatibhvn) February 16, 2022
ରାଷ୍ଟ୍ରପତି ରାମନାଥ କୋବିନ୍ଦ ଟ୍ୱିଟ୍ କରି କହିଛନ୍ତି ଯେ, ବାପି ଲାହିରିଙ୍କ ମୃତ୍ୟୁ ଖବର ଶୁଣି ମୁଁ ମର୍ମାହତ । ତାଙ୍କ ଗାଇଥିବା ଗୀତ କେବଳ ଭାରତରେ ନୁହେଁ ବରଂ ବିଶ୍ୱରେ ପ୍ରସିଦ୍ଧି ଲାଭ କରିଛି । ସଦା ସର୍ବଦା ସେ ଗାଇଥିବା ଗୀତ ମନେ ରହିବ ।
Shri Bappi Lahiri Ji’s music was all encompassing, beautifully expressing diverse emotions. People across generations could relate to his works. His lively nature will be missed by everyone. Saddened by his demise. Condolences to his family and admirers. Om Shanti. pic.twitter.com/fLjjrTZ8Jq
— Narendra Modi (@narendramodi) February 16, 2022
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍ କରିଛନ୍ତି ଯେ, ବାପି ଲାହିରିଙ୍କ ମୃତ୍ୟୁ ଖବର ଶୁଣି ମୁଁ ଅତ୍ୟନ୍ତ ଦୁଖୀ । ସେ ଯୁବପୀଢିଙ୍କ ପାଇଁ ଆଦର୍ଶ ଥିଲେ । ତାଙ୍କ ଗୀତକୁ ସର୍ବଦା ଲୋକମାନଙ୍କ ମନରେ ସ୍ମରଣୀୟ ହୋଇରହିବ । ପରିବାର ପ୍ରତି ମୋ ତରଫରୁ ସମବେଦନ ।
Pained to learn about the passing away of legendary singer and composer, Bappi Lahiri Ji. His demise leaves a big void in the world of Indian music. Bappi Da will be remembered for his versatile singing and lively nature. My condolences to his family and admirers. Om Shanti.
— Amit Shah (@AmitShah) February 16, 2022
କେନ୍ଦ୍ର ଗୃହମନ୍ତ୍ରୀ ଟ୍ୱିଟ୍ କରି ଲେଖିଛନ୍ତିଯେ, ମହାନ ଗାୟକ ଓ ସଙ୍ଗୀତ ନିର୍ଦ୍ଦେଶକ ବାପି ଲାହିରିଙ୍କ ଦେହାନ୍ତ ଖବର ଶୁଣି ମୁଁ ଅତ୍ୟନ୍ତ ଦୁଃଖିତ । ତାଙ୍କ ପରଲୋକ ଭାରତୀୟ ସଙ୍ଗୀତ ଜଗତ ପାଇଁ ଏକ ଅପୂରଣୀୟ କ୍ଷତି । ତାଙ୍କ ପରିବାର ଓ ପ୍ରଂଶସକଙ୍କ ପ୍ରତି ମୋ ତରଫରୁ ସମବେଦନା ।
