କୋଚି() ଶେଷରେ ବନ୍ଧାହେଲେ ଜଣାଶୁଣା ଟାଟୁ ଆର୍ଟିଷ୍ଟ ସୁଜିଶ ପି ଏସ୍ । ଯୌନ ନିର୍ଯାତନା ଅଭିଯୋଗ ଆସିବା ପରେ କେରଳ ପୋଲିସ ଶନିବାର ବିଳମ୍ବିତ ରାତିରେ କୋଚିରୁ ଗିରଫ କରିଛି । ଏହାକୁ ନିଶ୍ଚିତ କରି କୋଚି ପୋଲିସ କମିଶନର ନାଗାରାଜୁ ଚକଲାମ କହିଛନ୍ତି ଯେ ତାଙ୍କ ବିରୋଧରେ ୬ଟି ମାମଲା ରୁଜୁ ହୋଇଛି ।
ଗତ ସପ୍ତାହରେ ଟାଟୁ ଷ୍ଟୁଡିଓରେ ଜଣେ ୧୮ ବର୍ଷର ଝିଅ ଯୌନ ନିର୍ଯାଚନାର ଶିକାର ହେବା ନେଇ ସୋସିଆଲ ମିଡିଆରେ ସେୟାର କରଥିଲେ । ଏହା ପରେ ସେ ଗତ ୪ ଦିନ ଧରି କୁଆଡେ ଫେରାର୍ ହୋଇଯାଇଥିଲେ । ପୋଲିସ ଅଭିଯୋଗ ଆଧାରରେ ସ୍ୱତନ୍ତ୍ର ଅନୁସନ୍ଧାନକାରୀ ଦଳ ଗଠନ କରି ତଦନ୍ତ କରିଥିଲେ । ପୋଲିସ କହିଛି ଯେ ଏପର୍ଯ୍ୟନ୍ତ ଆମେ ୬ଟି ମାମଲା ପଞ୍ଜିକୃତ କରିଛୁ ।
ଅଭିଯୋଗ ଆସିବା ପରେ ସେ ତାଙ୍କ ଷ୍ଟୁଡିଓ ବନ୍ଦ କରି ପଳାଇ ଯାଇଥିଲେ । ଆମର ଦଳ ତାଙ୍କ ଗତିବିଧି ଉପରେ ନଜର ରଖିଥିଲେ । ଶନିବାର ରାତିରେ ତାଙ୍କୁ ଅନୁସନ୍ଧାନ ମିଳିଥିଲା । ଗତ ସପ୍ତାହରେ ସୋସିଆଲ ମିଡିଆରେ ଏହି ଅଭିଯୋଗ ଆସିଥିଲା ଯେ ଜଣେ ୧୮ ବର୍ଷର ନିର୍ଯାତନା ନେଇ କିଛି ଅଭିଯୋଗ କରିଛନ୍ତି । ତାଙ୍କର ପୋଷ୍ଟ ସୋସିଆଲ ମିଡିଆ ପ୍ଲାଟଫର୍ମରେ ବହୁଳ ଭାବରେ ଭାଇରାଲ ହୋଇଥିଲା ।
ଉକ୍ତ ବ୍ୟକ୍ତିଙ୍କ ଉପରେ ନିର୍ଯାତନା ନେବାକୁ ଜୋର ଧରିଥିଲା ଦାବି । ଶନିବାର ପୋଲିସ ତାଙ୍କ ଷ୍ଟୁଡିଓରେ ଚଢାଉ କରି ଲାପଟପ୍, ସିସିଟିଭି ଫୁଟେଜ୍ ଏବଂ ଅନ୍ୟାନ୍ୟ ରେକର୍ଡ ଜବତ କରିଛି । ତାଙ୍କୁ ଭାରତୀୟ ଦଣ୍ଡ ସଂହିତା (ଆଇପିସି) ର ଧାରା ୩୭୫ ଏବଂ ଧାରା ୫୦୯ ଅନୁଯାୟୀ ମାମଲା ରୁଜୁ କରିଛି । ପୋଲିସ ବନ୍ଦରଗାହ ସହରର ସମସ୍ତ ଟାଟୁ ଷ୍ଟୁଡିଓଗୁଡ଼ିକରେ ଯାଞ୍ଚ କରି କର୍ମଚାରୀ ଏବଂ ସେମାନଙ୍କ ଗ୍ରାହକଙ୍କଠାରୁ ସବିଶେଷ ତଥ୍ୟ ସଂଗ୍ରହ କରିଥିଲା ।
