ନୂଆଦିଲ୍ଲୀ : ବଲିଉଡର ଚୁଲ୍ବୁଲି ଅଭିନେତ୍ରୀ ଶ୍ରଦ୍ଧା କପୁର ସବୁବେଳେ ଚର୍ଚ୍ଚାରେ ଥାଆନ୍ତି । ହେଲେ ତାଙ୍କ ସେ ସର୍ବଦା ପ୍ରେମ ଜୀବନ ବିଷୟରେ କଥାବାର୍ତ୍ତା ଠାରୁ ଦୂରେଇ ରୁହନ୍ତି । ବଲିଉଡ ଜଣାଶୁଣା ଫଟୋଗ୍ରାଫର ରୋହନ ଶ୍ରେଷ୍ଟାଙ୍କୁ ଡେଟ କରୁଥିବା ଜଣାପଡିଥିଲା। କଲେଜ ସମୟରୁ ଉଭୟ ପରସ୍ପରକୁ ଜାଣିଛନ୍ତି । ଦୀର୍ଘ ସମୟ ଧରି ସେମାନଙ୍କ ବିବାହର ଖବର ମଧ୍ୟ ସାମ୍ନାକୁ ଆସୁଛି । କିନ୍ତୁ ବର୍ତ୍ତମାନ ଗଣମାଧ୍ୟମ ରିପୋର୍ଟ ଅନୁଯାୟୀ, ଶ୍ରଦ୍ଧା କପୁର ଏବଂ ରୋହନ ଶ୍ରେଷ୍ଟାଙ୍କ ରାସ୍ତା ସବୁଦିନ ପାଇଁ ଅଲଗା ହୋଇଯାଇଛି। ଏହି ସମୟରେ ଶ୍ରଦ୍ଧା କପୁରଙ୍କ ଏକ ଫଟୋ ସୋସିଆଲ ମିଡିଆରେ ଘୁରି ବୁଲୁଛି ।
ପିଙ୍କଭିଲ୍ଲା ରିପୋର୍ଟରେ ଅନୁଯାୟୀ ଶ୍ରଦ୍ଧା ଏବଂ ରୋହନ ପରସ୍ପରକୁ ୪ ବର୍ଷ ଡେଟ କରିବା ପରେ ଏବେ ଅଲଗା ହୋଇଛନ୍ତି । ଫେବୃଆରୀ ମାସରେ ଉଭୟ ଏହି ନିଷ୍ପତ୍ତି ନେଇଛନ୍ତି। କହିବାକୁ ଗଲେ ଉଭୟଙ୍କ ବ୍ରେକଅପ୍ ହେବାର ଖବର ମଧ୍ୟ ରୋହନ ଶ୍ରେଷ୍ଟା ଶ୍ରଦ୍ଧା କପୁରଙ୍କ ଜନ୍ମଦିନରେ ଆସି ନଥିବାରୁ ବହୁତ ଚର୍ଚ୍ଚା ହେବାରେ ଲାଗିଛି। ମାର୍ଚ୍ଚ ୩ରେ ଶ୍ରଦ୍ଧା କପୁର ଗୋଆରେ ତାଙ୍କ ଜନ୍ମଦିନ ପାଳନ କରିଥିଲେ ଏବଂ ସେଠାରୁ ଫେରୁଥିବା ବେଳେ ତାଙ୍କୁ ବିମାନବନ୍ଦରରେ ଏକୁଟିଆ ଦେଖିବାକୁ ମିଳିଥିଲା। ବର୍ତମାନ ବ୍ରେକଅପ୍ ଖବର ଉପରେ ଉଭୟଙ୍କଠାରୁ କୌଣସି ପ୍ରତିକ୍ରିୟା ମିଳିନାହିଁ । କିନ୍ତୁ ଏହି ସମୟ ମଧ୍ୟରେ ଶ୍ରଦ୍ଧା କପୁରଙ୍କ ଇନଷ୍ଟାଗ୍ରାମରେ ଏକ ନୂଆ ପୋଷ୍ଟ ଭୟଙ୍କର ଭାଇରାଲ ହେବାରେ ଲାଗିଛି। ନିକଟରେ କପୁର ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି । ସେହି ଫଟୋ ସେୟାର କରି ଅଭିନେତ୍ରୀ ଲେଖିଛନ୍ତି, ‘ଆଉ ଶୁଣ…???’
ଗଣମାଧ୍ୟମ ରିପୋର୍ଟରେ ଏହା ଅନେକ ଥର ଉଲ୍ଲେଖ କରାଯାଇଛି ଯେ ଶ୍ରଦ୍ଧା କପୁର ରୋହନଙ୍କ ସମ୍ପର୍କକୁ ନେଇ ଶକ୍ତି କପୁରଙ୍କ ଠାରୁ ସବୁଜ ସଙ୍କେତ ମିଳିନାହିଁ । ଅଭିନେତ୍ରୀଙ୍କ ବିବାହ ଖବରରେ ଶକ୍ତି କପୁର ମଧ୍ୟ ତାଙ୍କ ମୁହଁ ଖୋଲିବାକୁ ଚେଷ୍ଟା କରିଥିଲେ । ଏକ ସାକ୍ଷାତକାର ସମୟରେ ଶକ୍ତି କପୁର କହିଥିଲେ, ‘କେହି ବିବାହ କରୁନାହାଁନ୍ତି, ଶ୍ରଦ୍ଧା ବର୍ତ୍ତମାନ ତାଙ୍କ କ୍ୟାରିଅରରେ ବ୍ୟସ୍ତ ଅଛନ୍ତି।
