ପୁଣି ବିବାଦରେ କପିଲ୍ ଶର୍ମା : ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ କହିଲେ- ଶୋ’କୁ ଆସିବା ଲାଗି ମୁହଁରେ କରିଦେଲେ ମନା…
ମୁମ୍ବାଇ() ପୁଣି ଥରେ ବିବାଦରେ କମେଡି କିଙ୍ଗ । କପିଲଙ୍କ ଉପରେ ଲାଗିଛି ସାଂଘାତିକ ଆରୋପ । ବଡ଼ ଷ୍ଟାରକାଷ୍ଟ ନ ଥିବାରୁ ନିଜ ଶୋ’ରେ ଫିଲ୍ମମେକର ବିବେକ ଅଗ୍ନିହୋତ୍ରୀଙ୍କ ଫିଲ୍ମ ପ୍ରମୋଶନ ପାଇଁ ମନା କରିଦେଲେ କପିଲ। ଜଣେ ୟୁଜର୍ସଙ୍କ ପ୍ରଶ୍ନର ଉତ୍ତରରେ ଏପରି ଖୁଲାସା କରିଛନ୍ତି ବିବେକ। ବିବେକଙ୍କ ଆଗାମୀ ଫିଲ୍ମ ‘ଦ କାଶ୍ମୀର ଫାଇଲ୍ସ’ ଖୁବ୍ ଶୀଘ୍ର ରିଲିଜ ହେବାକୁ ଯାଉଛି । ଅନ୍ୟ ନିର୍ଦ୍ଦେଶକଙ୍କ ପରି ବିବେକ ମଧ୍ୟ ନିଜ ଫିଲ୍ମର ପ୍ରମୋଶନ କପିଲଙ୍କ ଶୋ’ରେ କରିବାକୁ ଚାହୁଁଥିଲେ। ହେଲେ ଏଥି ପାଇଁ ସେ ମୁହଁରେ ସଫା ସଫା ମନା କରିଦେଲେ କପିଲ। କାରଣ ଫିଲ୍ମରେ କୌଣସି ବଡ଼ ଷ୍ଟାର ନ ଥିବାରୁ କପିଲ ତାଙ୍କ ଫିଲ୍ମ ପ୍ରତି ଆଗ୍ରହ ପ୍ରକାଶ କରୁ ନାହାନ୍ତି ବୋଲି ବିବେକ କହିଛନ୍ତି।
I don’t get to decide who should be invited on @KapilSharmaK9 show. It’s his and his producers choice whom he wants to invite. As far as Bollywood is concerned, I’d say what once Mr. Bachchan was quoted saying about Gandhis: वो राजा हैं हम रंक… https://t.co/la8y9FhB6l
— Vivek Ranjan Agnihotri (@vivekagnihotri) March 7, 2022
ବିବେକ ନିଜ ଫିଲ୍ମର ପ୍ରମୋଶନ ପାଇଁ କପିଲଙ୍କ ଶୋ’କୁ ଯିବା ଉଚିତ ବୋଲି ଜଣେ ୟୁଜର୍ସ ଟ୍ୱିଟରରେ କହିଥିଲେ। ଏହାର ଉତ୍ତର ଦେବାକୁ ଯାଇ ବିବେକ କହିଛନ୍ତି, କପିଲ ନିଜ ଶୋ’ରେ କାହାକୁ ଆମନ୍ତ୍ରଣ କରିବେ ତାହା ତାଙ୍କ ଉପରେ ଓ ତାଙ୍କ ଟିମ୍ ଉପରେ ନିର୍ଭର କରେ। ମୁଁ ମଧ୍ୟ ତାଙ୍କର ବହୁତ ବଡ଼ ଫ୍ୟାନ୍ । ହେଲେ ଭଲ ନିର୍ଦ୍ଦେଶକ, କଳାକାର, ଲେଖକଙ୍କର ବଲିଉଡରେ କିଛି ମୂଲ୍ୟ ନାହିଁ।
Even I am a fan. But it’s a fact that they refused to call us on their show because there is no big star. In Bollywood non-starter Directors, writers and Good actors are considered as NOBODIES. https://t.co/l4IPSJ8nX4
— Vivek Ranjan Agnihotri (@vivekagnihotri) March 4, 2022
ଆମ ଫିଲ୍ମରେ ବଡ଼ କମର୍ସିଆଲ ଷ୍ଟାର ନ ଥିବାରୁ କପିଲ ତାଙ୍କ ଶୋ’ରେ ଆମକୁ ନିମନ୍ତ୍ରଣ କରିବାକୁ ମନା କରିଦେଇଥିବା ନେଇ କହିଛନ୍ତି ବିବେକ । ବିବେକଙ୍କ ଏହି ଟ୍ୱିଟ ପରେ ୟୁଜର୍ସ କପିଲଙ୍କୁ ପ୍ରବଳ ଟ୍ରୋଲ କରୁଛନ୍ତି। ହେଲେ ଏ ସମ୍ପର୍କରେ କପିଲଙ୍କ ରିଆକ୍ସନ ଜଣାପଡ଼ିନି ।
