ନୂଆଦିଲ୍ଲୀ: ଦିଲ୍ଲୀ ପୋଲିସ୍ର ଅପରାଧ ଶାଖା ଭାରତୀୟ ବାୟୁସେନାର ଜଣେ ଯବାନଙ୍କୁ ଗୁପ୍ତଚର କାର୍ଯ୍ୟ କରୁଥିବା ଅଭିଯୋଗରେ ଗିରଫ କରିଛି । ଯବାନ ହନିଟ୍ରାପ୍ରେ ଫସି ବାୟୁସେନା ସହିତ ଜଡ଼ିତ ସମ୍ୱେଦନଶୀଳ ତଥ୍ୟ ହାସଲ କରିବା ପାଇଁ ପ୍ରୟାସ କରୁଥିବା ଅଭିଯୋଗ ହୋଇଛି । ଅଭିଯୁକ୍ତଙ୍କୁ କେତେ ରାଡାର କେଉଁ କେଉଁ ସ୍ଥାନରେ ସ୍ଥାପନ କରାଯାଇଛି ତାହାର ତଥ୍ୟ ମଗାଯାଇଥିଲା । ଏଥିସହିତ ଅଭିଯୁକ୍ତଙ୍କୁ ଉପରିସ୍ଥ ଅଧିକାରୀଙ୍କ ନାମ ଏବଂ ଠିକଣା ମଧ୍ୟ ପଚରା ଯାଇଥିବା ଜଣାପଡ଼ିଛି ।
ମିଳିଥିବା ସୂଚନା ଅନୁସାରେ, ପୋଲିସ୍ ଅଭିଯୁକ୍ତଙ୍କୁ ଗୁଇନ୍ଦା ଏଜେନ୍ସିର ଇନ୍ପୁଟ୍କୁ ଆଧାର କରି ଗିରଫ କରିଥିଲା । ଯେଉଁ ନମ୍ୱରରୁ ମହିଳା ଅଭିଯୁକ୍ତଙ୍କ ସହ କଥା ହେଉଥିଲେ ତାହା ଭାରତୀୟ ସର୍ଭିସ୍ ପ୍ରୋଭାଇଡ଼ରଙ୍କ ନମ୍ୱର ।ତେବେ ପୋଲିସ୍ ଉକ୍ତ ମହିଳାଙ୍କ ଖୋଜିବାକୁ ପ୍ରୟାସ ଆରମ୍ଭ କରିଛି ।
ସାମରିକ ଇଣ୍ଟେଲିଜେନ୍ସ ଏବଂ ଦିଲ୍ଲୀ ପୋଲିସର ଅଧିକାରୀଙ୍କ ସହ ମିଳିତ ଭାବେ ପଚରାଉଚରା କରୁଥିବା ଏହି ସରଜେଣ୍ଟଙ୍କୁ ରାଡାର ଗତିବିଧି ଏବଂ ତାଙ୍କ ହ୍ୟାଣ୍ଡେଲରଙ୍କ ଦ୍ୱାରା ଅଧିକାରୀଙ୍କ ପୋଷ୍ଟିଂ ବିଷୟରେ ପଚରାଯାଇଥିଲା। ସୂଚନାନୁସାରେ, ସରଜେଣ୍ଟ ତାଙ୍କ ପତ୍ନୀଙ୍କ ବ୍ୟାଙ୍କ ଆକାଉଣ୍ଟରେ ଟଙ୍କା ପାଇଥିବା ଅଭିଯୋଗ ହୋଇଛି। ସେ କମ୍ପ୍ୟୁଟର ଏବଂ ଅନ୍ୟାନ୍ୟ ଫାଇଲରୁ ଏହି ତଥ୍ୟକୁ ହସ୍ତଗତ କରିବାପରେ ଇଲେକ୍ଟ୍ରୋନିକ୍ ଗଣମାଧ୍ୟମ ମାଧ୍ୟମରେ ପ୍ରତିରକ୍ଷା ସଂସ୍ଥା ଏବଂ ବାୟୁସେନା କର୍ମଚାରୀଙ୍କ ବିଷୟରେ ସମ୍ବେଦନଶୀଳ ସୂଚନା ଲିକ୍ କରିଥିବା ଅଭିଯୋଗ ହୋଇଛି। ସେ ଗତ କିଛି ମାସ ଧରି ଏଭଳି ସମ୍ବେଦନଶୀଳ ତଥ୍ୟ ଲିକ୍ କରିଥିବା ସନ୍ଦେହ କରାଯାଉଛି ଏବଂ ତାଙ୍କ ବିରୋଧରେ ଅଫିସିଆଲ୍ ସିକ୍ରେଟ୍ ଆକ୍ଟ ଅନୁଯାୟୀ ଏକ ମାମଲା ରୁଜୁ ହୋଇଛି। ସୂତ୍ରରୁ ଜଣାପଡିଛି ଯେ ଜବାନ୍ ଜଣେ ଭାରତୀୟ ସିମକାର୍ଡ ବ୍ୟବହାର କରୁଥିବା ବ୍ୟକ୍ତିଙ୍କୁ ସୂଚନା ପ୍ରଦାନ କରୁଥିଲା ଏବଂ ଏହା ପରେ ସିମକାର୍ଡ ନିଷ୍କ୍ରିୟ ହୋଇଯାଇଥିଲା। ଅଧିକାରୀମାନେ ସରଜେଙ୍କ ଠାରୁ ଇଲେକ୍ଟ୍ରୋନିକ୍ ଗ୍ୟାଜେଟ୍ ଏବଂ ଡକ୍ୟୁମେଣ୍ଟ୍ ଭଳି ଅପରାଧ ପ୍ରମାଣ ମଧ୍ୟ ଜବତ କରିଛନ୍ତି ।
